ئێران بۆ دەربازبوون لە سزاکان سوودی لە دوو بانکی بەریتانیا وەرگرتوو
نوچەنێت:
رۆژی دووشەممە (پێنجى شوبات/2024)، رادیۆفەردا لە راپۆرتێکدا بڵاویکردەوە، رۆژنامەی فاینەنشیاڵ تایمزی بەریتانی ئاشکرای کردووە، کە بەشێک لە هەژمارەکانی دوو بانکی گەورەی بەریتانیا سەر بە کۆمپانیاکانی "صوری(ساختە)" کۆماری ئیسلامین و حکومەتی ئێرانیش ئەوانەی بۆ دەربازبوون لە سزاکان و گواستنەوەی نهێنی پارە لە سەرتاسەری جیهان بەکاریانهێناوە. بەشێک لە هەژمارەکانی بانکەکانی "لۆیدز و سانتاندەر" لە راستیدا سەر بە کۆمپانیای بازرگانی پترۆکیمیایی ئێرانن، کە لە لیستی سزاکانی ئەمریکادان.
فاینەنشیاڵ تایمز نووسراوی بەڵگەنامەی بینیوە، کە وا دەردەخات خاوەنی ئەو هەژمارانە لە رواڵەتدا کۆمپانیای بەریتانین، کە نووسینگەکانیان لە ناوەڕاستی لەندەن دایە، بەڵام لە راستیدا سەر بە کۆمپانیای بازرگانی پترۆکیمیایی ئێرانە.
فاینەنشیاڵ تایمز دیاگرامێکی لە تۆڕێکی ئاڵۆزی بڵاوکردۆتەوە، کە ئەمە حکومەتی ئێران دەرباز بکات لە سزاکان و بەنهێنی پارە بگوازێتەوە. ئەم هێڵکارییە چەندین کۆمپانیای ساختە لە وڵاتانی جیاجیادا نیشان دەدات کە بە پێی ئەم رۆژنامەیە بە پشتیوانی ئیتلاعاتی کۆماری ئیسلامی چالاکی دەکەن.
بە پێی ئەم راپۆرتە، کۆمپانیای بازرگانی پترۆکیمیایی ئێران، لەو کاتەی کەوتە ژێر سزاکانی ئەمریکاوە، بۆ گواستنەوەی پارە لە چین، چەندین کۆمپانیای لە بەریتانیا دامەزراندووە و بە ناوی ئەوانەوە لە دوو بانکی گەورەی بەریتانیا هەژماری بانکی کردۆتەوە.
بەرپرسانی ئێران و کۆمپانیای بازرگانی پترۆکیمیایی، هیچ لێدوانێکیان لەسەر ئەم راپۆرتە نەداوە.
پێشتریش چەندین بانکی ئەوروپی، لەوانە یونی کرێدیت و ستاندەر چارترد، بەهۆی پێشێلکردنی سزاکانی ئەمریکا بۆ سەر ئێران، سزای قورسیان بەسەردا سەپێندرابوو.
سەرچاوە: رادیۆفەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment