بهریتانیا تهواوى هێزهكانى له ئهفغانستان دهكێشێتهوه
نوچهنێت
ئەمڕۆ چوارشەممە ١٤ی نیسانی ٢٠٢١، ئاژانسی هەواڵی "یورۆ نیوز" بڵاوی کردەوە، ئەو بڕیارە دوای ئەوە دێت کە هێزەکانی ئەمریکا بە پێی پلانی داڕێژراو لە مانگی ئەیلولی ئەمساڵدا ئەفغانستان بەجێ دەهێڵن.
ڕۆژنامەی تایمز ڕایگەیاندووە بەریتانیا چەند پلانێکی بۆ ڕادەستکردنەوەی ئهکادیمیای سەربازیی لە کابول، واتە لەو شوێنەی کە هێزەکانی ئەو وڵاتە هێزەکانی ئەفغان ڕا دەهێنن، داڕشتووە.
لە ئێستادا نزیکەی ٧٥٠ سەربازیی بەریتانی لە ئەفغاسنتاندا هەن. بەرپرسانی بەریتانیی وتوویانە هێزەکانیان لە ئەفغانستان لە ڕووی بنکە و ژێرخانەکانەوە پشتیان بە ئەمریکا بەستووە و بە بێ هەبوونی هێزەکانی ویلایەتە یەکگرتووەکانی ئەمریکا، ڕووبەڕووی کێشە دەبنەوە.
هەواڵی چوونەدەرەوەی هێزەکانی بەریتانیا لە کاتێکدا لە لایەن میدیاکانەوە بڵاو کراوەتەوە کە ڕۆژی ڕابردوو گۆڤاری واشنتۆن پۆستی ئەمریکا ڕایگەیاندبوو جۆ بایدن، سەرۆک کۆماری ویلایەتە یەکگرتووەکانی ئەمریکا، دەیەوێت تا ١١ی سیپتەمبەری (ئەیلولی) ئەمساڵ هەموو هێزەکانی وڵاتەکەی لە ئەفغانستان بباتە دەرەوە و بڕیار وایە ئەمڕۆ چوارشەممە بە فەرمی ڕایبگەیێنێت.
هاوکات تالیبان هەڕەشەی کردووە بە مەرجێ بەشداری دەکات لە دانیشتنەکان سەبارەت بە کۆتاییهێنان بە شەڕی ئەفغانستان، کە هێزە دەرەکییەکان ئەو وڵاتە بەجێ بهێڵن.
تالیبان پێشتر ڕایگەیاندبوو ئەگەر تا سەرەتای مانگی ئایار هێزەکانی ئەمریکا و ئەندامانی تری ناتۆ خاکی ئەفغانستان بە جێ نەهێڵن، هێرشەکانیان بۆ سەر ئەو هێزانە دەست پێ دەکەنەوە.
بەرپرسانی ئەمریکیی و تالیبان لە ٢٨ی کانوونی دووەم لە دوحە، پایتەختی قەتەر، ڕێککەوتنێکیان بۆ کۆتاییهێنان بە شەڕەکانی ئەفغانستان ئیمزا کرد و بە پێی ئەو ڕێککەوتنە ئەمریکا و ناتۆ هەموو هێزەکانیان لە ماوەی ١٤ مانگدا لە ئەفغانستان دەبەنە دەرەوە.
ئەوە لە کاتێکدایە کە چاودێران نیگەرانی خۆیان دەربارەی لێکەوتەکانی چوونەدەرەوەی خێرای هێزە دەرەکییەکان لە ئەفغانستان دەربڕیوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment