ئەمریکا لە (45)مین ساڵڕۆژی شۆڕشی ئێران بەڵێنی پشتیوانی بە خەڵکی ئازادیخواز دەدات
نوچەنێت:
رۆژی یەکشەممە (11/شوبات/2024)، بی بی سی فارسی لە راپۆرتێکدا بڵاویکردەوە، رێپێوانی 45-ەمین ساڵڕۆژی سەرکەوتنی شۆڕشی ئیسلامی لە ئێران بەرەبەیانی ئەمڕۆ یەکشەممە کە بە (22 بەهمەن) ناسراوە، لە تاران و سەرتاسەری ئێران بەڕێوەچوو و نمایشکردنی ماکێتی هەموو جۆرە مووشەک و کەرەستەی جەنگی وەک "دەستکەوتەکانی" شۆڕشی ئێران بەشێک لە رێوڕەسمی ئەمڕۆی تاران بووە.
ئیبراهیم رەئیسی، سەرۆک کۆماری ئێران، لە وتارەکەیدا لە رێوڕەسمی ئەمڕۆی تاران، رایگەیاند: ئازادی لە ئێراندا "بە بەرەکەتی شۆڕشی ئیسلامی مسۆگەر بووە" و گوتی، بە پێچەوانەی ئەوەی بانگەشەی ئازادی دەکەن، ئازادی راستەقینە لەم وڵاتەدا هەیە و ئەمە سیستەمە.
گوتەکانی رەئیسی لە کاتێکدایە، کە زۆرێک لە هاوڵاتیان لە ئێران تەنانەت ئازادی بڕیاردانیان نییە لەسەر تایبەتیترین بابەت، وەک جۆری جلوبەرگ پۆشین، ژنانیش تەنیا بەهۆی سەرپێچیکردن لە حیجابی زۆرەملێ زیندانی دەکرێن و رووبەڕووی سزای قورس دەبنەوە.
سەرۆک کۆماری ئێران ئاماژەی بەوەشکرد، "ئەدەبیاتی بژاردەی سەربازیی لەسەر مێزە، ئێستا کەوتووەتە پەراوێزەوە و ئیتر کەس ئەو قسەیە ناکات و بیر لە دەستدرێژیکردنە سەر ئەم خاکە ناکاتەوە".
برام پێلی، جێگری نوێنەری تایبەتی ئەمریکا بۆ کاروباری ئێران، لە یادی 45-ەمین ساڵڕۆژی دامەزراندنی کۆماری ئیسلامی، پەیامێکی ڤیدیۆیی لەسەر هەژمارەکانی وەزارەتی دەرەوەی ئەمریکا، لە تۆڕە کۆمەڵایەتییەکان بڵاوکردەوە و رایگەیاند: چل و پێنجمین ساڵ پێش لە رۆژێکی وەک ئەمڕۆ شۆڕشی ئێران بووە هۆی دامەزراندنی رژێمێک، کە لەسەر ترس و توندوتیژی و ستەم دامەزراوە.
ئەو بەرپرسەی وەزارەتی دەرەوەی ئەمریکا دەشڵێت، حکومەتی ئێران رژێمێکە لە جیاتی پێشوازی لە ئاشتی و خۆشگوزەرانی، تەنیا توندوتیژی و گەندەڵی لە ناوخۆ و دەرەوەی ئێرانی لەگەڵ خۆی هێناوە.
پیلی لە پەیامەکەیدا بۆ گەلی ئێران گوتی "ئەمریکا بەردەوام دەبێت لە پشتیوانی خۆی لە ئەوان لە تێکۆشانیان بۆ داهاتوویەکی ئازاد و دێموکراتیک بەردەوام دەبێت".
سەرچاوە: بی بی سی فارسی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment