پۆليس و خۆپيشاندەرانى ئيسرائيل رووبەڕووى يەكتر دەبنەوە
نوچەنێت
ئەمڕۆ يەكشەممە (25/شوبات/ 2024) ماڵپەڕى (حوڕە) بڵاوى كردەوە، ئێوارەى دوێنێ لە چەند شارێكى ئيسرائيل خۆپيشاندەران رژانە سەر شەقامەكان، پۆليس هەوڵى بڵاوەپێكردنى دەدەن، خۆپيشاندەران رووبەڕووى پۆليس بوونەوە، چەندين خۆپيشاندەر دەستگيركران و هەندێكشيان بريندار بوون.
سەرەتا سەدان خۆپيشاندەر لە شەقامى كابلان لە تەلئەبيب كۆبوونەوە خۆپيشاندەران سەركۆنەى سياسەتەكانى سەرۆك وەزيرانيان دەكرد، لە بەرانبەردا پۆليس هەوڵى رێگريى و بڵاوەپێكردنى دەدان.
بەشێك لە بريندارەكان گوازرانەوە بۆ نەخۆشخانەكان، بەگوێرەى چاودێران لە سەرەتاى هێرشەكانى حەوتى ئۆكتۆبەر تا ئێستا، ئەوە توندترين خۆپيشاندان بووە، بەهۆيەوە پۆليس (21) خۆپيشاندەرى دەستگيركردووە.
يائير لابيد، سەركردەى ئۆپۆزسيۆن رايگەياند، توندوتيژى پۆليس دژ بە خۆپيشاندەران كە بەشێكيان كەسوكارى بارمتەكانن مەترسيدار و نا ديموكراسييە، ناكرێت بەردەوام بێت.
پۆليسى ئيسرائيليش جەخت لەسەر ئەوە دەكاتەوە، خۆپيشاندەران بەشێوەيەكى ناياسى گردبووينەوە، ئەوەش بۆتە هۆى ئاڵۆزييەكان، بەشێك لەوانەش بە ئامانجى بەرەنگاربوونەوەى پۆليس هاتوون، نەك بۆ ناڕەزايى رەوا.
لابيد لە بەشێكى ديكەى قسەكانى ئاماژە بەوە دەكات، خۆپيشاندان مافێكى سەرەكييە، ناكرێت ئەو مافە لە خەڵك بسەندرێتەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment