شنۆ ئەشقی پەرلەمانتار: بیرۆكه‌كه‌ى من سادەیە و هیچ بارگرانى لەسەر حکومەت دروست ناکات
سیهام میران – تایبەت بە نوچەنێت
شنۆ ئەشقی، ئەندامی لیژنەی دەستپاکی لە پەرلەمانی کوردستان، پرۆژەیەکی بە پەرلەمان داوە لەسەر رەخساندنی هەلی کار. لە لێدوانێکی بۆ نوچەنێت، ئەمرۆ دووشەممە ١٩ی نیسان، ئامانجی پرۆژەکەی روون دەکاتەوە و دەڵێت، "زۆر سادەیە هیچ ئەرکێکیە ماددی لەسەر حکومەت دروست ناکات، تەنیا رێکخستنەوە و کۆمەڵێک چاکسازییە، ئەگەر بێت حکومەت ئەم بیرۆکەیە جێبەجێ بکات گۆڕانکارییەکی زۆر باش بەسەر رێژەی بێکاریى و هەژاریى ده‌هێنێت، لەبەر ئەوەی حکومەت لە رەخساندنی هەلی کار تاکو ئێستا لە هەرێمی کوردستاندا بێ بەرنامە بووە".
ئەو پەرلەمانتارە لە لێدوانێکی باسی لەوە کرد، وێرای ئەوەی کابینەی نۆیەمی حکومەتی هەرێمی کوردستان دروشمی چاکسازی بەرزکردووەتەوە، بەڵام هێشتا هیچ بەرنامە و پرۆژەی دڵخۆشکەر بۆ ئەنجام نەدراوە، بۆیە ئەو وەك پەرلەمانتارێک بیری لەم بابەتە کردووەتەوە.
شنۆ ئەشقی باسی لەوەش کرد بە جێبەجێکردنی پرۆژەکەی ئەو ١٠ هەزار گەنجی بێکار سوودمەند دەبن و سەبارەت بە ئامارى بێکاریش دەڵێت، " بە نزیکەی ٢٧٨ هەزار بێکار لە هەرێمی کوردستان بوونی هەیە، لەو بەشەدا ١٢٠ هەزاری دەرچووی دانەمەزراوی زانکۆ و پەیمانگاکانن، بەڵام ئەم بیرۆکەیە پێویستی بە پلانی ستراتیژی دوورمەودا هەیە، باس لەوەش دەکات کەوا لە ئێستادا سەرقاڵی ئامادەکردنی پێشنیازی یاسایەکە هەر لەسەر هەمان بیرۆكه، تاکو ئاراستەی حکومەت بکات و حکومەت لە چوارچێوەی ئەم یاسایەدا بتوانێت ئەم کارە رێکبخرێتەوە".
لە کۆتایی لێدوانەکەی دووپاتیشی کردەوە کە بواری پرۆژەکەى ئه‌و کەرتی تایبەت دەبێت و شنۆ دەڵێت، "من لە بیرۆکەکەمدا ئیشم لەسەر ئەوە کردووە کە ئەو مەرجانەی لە ئێستادا بۆ گەنجان لە کەرتە تایبەکان دانراوە نەمێنیت، یاخود حکومەت خۆی سەرپەرشتی بکات".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment