سه‌رۆكى چاد كوژرا عێراق ناوچەکە و جیهان

نوچه‌نێت

دواى زیاتر له‌ 30 ساڵ له‌ حوكمڕانى، ئیدریس دێبى سه‌رۆك كۆمارى چاد له‌ كاتى به‌ره‌نگاربوونه‌وه‌ى بزووتنه‌وه‌یه‌كى چه‌كدارى له‌ وڵاته‌كه‌ى كوژرا.

ئه‌مڕۆ سێشه‌ممه‌ 20ى نیسان ماڵپه‌ڕى سكاى نیوز بڵاوى كردووه‌ته‌وه‌، ئیدریس دێبى سه‌رۆك كۆمارى چاد "كیشوه‌رى ئه‌فریقیا" له‌كاتى به‌ره‌نگاربوونه‌وه‌ى له‌گه‌ڵ بزووتنه‌وه‌یه‌كى چه‌كدارى كوژراوه‌.

"سكاى نیوز" ئاماژه‌ى بۆ راگه‌یێندراوێكى فه‌رمى ده‌وڵه‌تى چاك كردووه‌ كه‌ ئه‌مڕۆ بڵاوكراوه‌ته‌وه‌ و تێیدا هاتووه‌ "ئیدریس دێبى سه‌رۆك كۆمار و سه‌رۆكى ده‌وڵه‌ت و فه‌رمانده‌ى گشتى هێزه‌ چه‌كداره‌كان، له‌پێناو یه‌كێتى خاكى وڵات گیانى له‌ده‌ست دا و به‌ داخه‌وه‌ ئه‌م هه‌واڵه‌ به‌ گه‌لى چاد ده‌ده‌ین".
 
ئیدریس دێبى ته‌مه‌نى 68 ساڵ بوو، له‌ ساڵى 1990 گه‌یشته‌ لووتكه‌ى ده‌سه‌ڵاتى وڵاته‌كه‌ى و تا ئێستا شه‌ش جار كراوه‌ته‌وه‌ سه‌رۆكى وڵات و كه‌ دوایین جار دوێنێ بوو كه‌ ئه‌نجامى سه‌ركه‌وتنه‌كه‌ى له‌ دوایین هه‌ڵبژاردن راگه‌یێندرا بوو.
 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین