سەرکردەکانی جیهان سەرکۆنەی تەقەکردن لە ترەمپ دەکەن عێراق ناوچەکە و جیهان

نوچە نێت

سەرکردەکانی جیهان سەرکۆنەی بریندارکردنی دۆناڵد ترەمپ، سەرۆكی پێشووی ئەمەریكا و كاندیدی كۆمارییەكان دەکەن، ڕووداوەکە بە تووندوتیژی سیاسی وەسف دەکەن.

ڕۆژی یەکشەممە (14/تەمموز/2024) ئاژانسی (رۆیتەرز) بڵاویکردەوە، سەرۆکی چەندین وڵات ڕایانگەیاند، "شۆک بووین بە رووداوی تەقەکردن لە ترەمپ کە بووە هۆی بریندارکردنی، هیوای زوو چاکبوونەوەی بۆ دەخوازین". 

سەبارەت بەو هێرشە ستێفان دووجاریک، گوتەبێژی سکرتێری گشتی نەتەوە یەکگرتووەکان ڕایگەیاند، "تەقەکردنەکە کردەوەیەکی توندوتیژی سیاسی بوو".

فومیۆ کیشیدا، سەرۆک وەزیرانی ژاپۆن جەختی لەوە کردەوە، "پێویستە هەموو جۆرە تووندوتیژییەک بوەستێنین کە ڕووبەڕووی دیموکراسی دەبێتەوە".

کیەر ستامەر، سەرۆک وەزیرانی بەریتانیا ڕایگەیاند "دیمەنەکان شۆکیان کردم، تووندوتیژی سیاسی بە هیچ شێوەیەک لە کۆمەڵگاکانی ئێمەدا جێگای نییە".

ئەنتۆنی ئەلبانیس، سەرۆک وەزیرانی ئوسترالیا گوتی، "تەقەکردنەکە مایەی نیگەرانییە و پێویستی بە ڕووبەڕوو بوونەوەیە".

جەستن ترودۆ، سەرۆک وەزیرانی کەنەدا ئاماژەی بۆ ئەوە کرد، "تووندوتیژی سیاسی هەرگیز جێگای قبووڵکردن نییە".

هەروەها سەرکردە و بەرپرسانی هەریەکە لە، ئیسرائیل، بەرازیل، هیندستان، تایلاند، تایوان، نیوزلەندا و فلیپین لێدوانی هاوشێوەیان داوە، "ئیدانەی رووداوەکەیان کردووە".

بەرەبەیانی ئەمڕۆ (2024/7/14) بە کاتی هەولێر لە شاری بەتڵەڕی ویلایەتی پێنسلڤانیا تەقە لە ترەمپ کرا لە کاتێکدا سەرقاڵی بانگەشەی هەڵبژاردن بوو، لە ئەنجامدا بریندار کرا. ئیف بی ئای ڕایگەیاند، "دوو کەس کوژراون، پێدەچێت یەکێکیان ئەو کەسە بێت کە تەقەی کردووە".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین