رێژەی زەکات و سەرفترە دیاری كرا
سیهام میران – تایبەت بە نوچەنێت
مەلا عەبدوڵا شێرکاوەیی، بەرپرسی راگەیاندنی یەکێتی زانایانى كوردستان ئەمرۆ یەکشەممە ٢٥ی نیسان، لە لێدوانێکی تایبەت بە "نوچەنێت" وردەکاریی دیاریكردنى زەکات و سەرفترەی ئاشکراکرد و گووتی، "ئەوەی ئەنجوومەنی باڵای فتوا دیاری کردووە رێژەی زەکات لە پارە حەوت ملیۆن دینارە، واتا ئەگەر کەسێك حەوت ملیۆن دیناری هەبێت وە ساڵی بەسەر سووڕابێتەوە، ئەوا زەکاتی تێدا واجبە لە هەر ملیۆنێك ٢٥ هەزار دینار بدات، یاخود ئه‌گه‌ر ١٠ هەزار دۆلاری هەبێت 250 دۆلار زەکاتە"
دوای روونکردنەوەی لەسەر زەکات، مەلا عەبدوڵا شێرکاوەیی، باسی لە زەکاتی سەرفتره و فیدیە کرد و گووتی، "زەکاتی سەرفترە سێ هەزار دینار بۆ هه‌ر كه‌سێك دیاری کراوە، بەهه‌مان شێوە رێژەی فیدیە ئەوانەی بە هۆکاری نەخۆشی یاخود تەمەنى بەسەرچووە ناتوانن بە رۆژو بن ئەوانیش بە هەمان شێوە سێ هەزار دینارە بۆ هەر رۆژێك".
سەبارەت بەوەی لە دیاریکردنی ئەم بڕە چەندە رەچاوی بەرژەوەندی هاووڵاتیان و بارودۆخی ئەمرۆی ئابووری کردووە، مەلا عەبدوڵا شێرکاوەیی گووتی، "خۆی زەکات لەسەر بنەمای بەرژەوەندییە بێجگە لەوەی کە ئەرکێكی ئاینییە، لە هەمان کاتدا بە پێوەری بەرژەوەندی و لەبەرچاوگرتنی هاووڵاتیانیش، کە سێ هەزار دیاریکراوە لە بەرژەوەندی هەژارانە، بۆیە ئەنجوومەنی باڵای فتوا بە پێى لێکدانەوە و هەڵسەنگاندنی بارودۆخی ئێستا و ئەو پێوەرانەی کە لە زەکات دیاری دەکران بە شیوەیەکی بەڵگەدار و زانستی گەشتنە ئەو دەرئەنجامەی کە زەکاتی پارە حەوت ملیۆن دینارە و سەرفترەی رەمەزانیش سێ هەزارە."
لە کۆتایی لێدوانەکەی، مەلا عەبدوڵا شێرکاوەیی روونیکردنەوەی لەسەر زێر داوە و گووتی:" بۆ زێر ئەوەی کە مارەیی بێت زەکاتی تێدا نییە، بەڵام ئەگەر بۆ بازرگانیبوو بۆ نموونە کە گرانبوو بیفرۆشێتەوە ئەوا لە٢٠ مسقاڵ زێر چارێگە مسقاڵێکە، واتا ئەگەر ٢٠ مسقاڵ زێری هەبێت یەك مسقاڵ دەکاتە چوار بەش روبعێکی لێ دەدات."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment