ئەبوو محەمەد جۆلانی: لیستی بەرپرسانی داواكراوی رژێمی پێشوو بڵاودەكەینەوە عێراق ناوچەکە و جیهان

نوچە نێت

ئەحمەدە شەرع، ناسراو بە محەمەد جۆلانی هەیئەی تەحریری شام رایگەیاند، لە ماوەی داهاتوو لیستی یەكەمی بەرپرسانی داواكراوی رژێمی سووریا بڵاودەكەینەوە و دەستگیریان دەكەین و لێپرسینەوەیان لەگەڵ دەكەین.

ئەمڕۆ سێشەممە (10ی كانوونی دووەم/2024) ماڵپەڕی (شەرقولئەوسەت) بڵاوی كردەوە، محەمەد جۆلانی راگەیێندراوێكی بڵاوكردەوە، لە بەشێكی راگەیێندراوەكە هاتووە پاداشتی هەموو ئەو كەسانە دەكەین كە زانیاری لەسەر ئەفسەرانی باڵای سووپا و ئاسایشی سووری بدەن كە لە تاوانی جەنگ تێوەگلاون.

لە بەشێكی دیكەی قسەكانی جەخت لەسەر ئەوە دەكاتەوە، هەر كەسێك بۆ دەرەوەی وڵات هەڵاتبێت، ئەوا دەیگێڕێنەوە ناوە بۆ ئەوەی سزای دادپەروەرانەی خۆی وەربگرێت.

سەرۆكی هەئیەی تەحریری شام ئاماژە بەوەش دەكات، ئێمە پێشتر جەختمان لەسەر لێبووردن لەو كەسانە كردۆتەوە كە دەستیان بە خوێنی گەلی سووریا سوور نەبووە، هەروەك لێبووردنمان بۆ ئەوانەش دەركردووە كە لە چوارچێوەی خزمەتی ناچاری بوون.ئەبوو محەمەدی جۆلانی دەشڵێت، خوێن و مافی كوژراوان و دەستگیراوانی بێتاوان نە بەفیڕۆ دەڕوات و نە لەبیریش دەكرێت.

رۆژی هەشتی ئەم مانگە گرووپە چەكدارەكانی سووریا بەسەرۆكایەتی ئەبوو محەمەدی جۆلانی گەیشتنە ناو شاری دیمەشق بە یەكجاری كۆتاییان بە دەسەڵاتی بەشار ئەسەد هێنا.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین