كارەكانی لوتكەی ڕیاز لەبارەی داهاتووی سووریا دەستیپێكرد عێراق ناوچەکە و جیهان

نوچە نێت

کۆبوونەوەكانی لوتكەی ڕیازی پایتەختی سعوودیە به بەشداریی عێراق و ژمارەیەک وڵاتی عەرەبی و ئەوروپی دەستی بە كارەكانی کرد.

ئەمڕۆ یەکشەممە (12/ کانوونی دووەم/2025) ماڵپەڕی (شەفەق نیوز) بڵاویکردەوە، گفتوگۆکانی ڕیاز بە ئامانج پشتیوانیکردن لە سوریا کە هەموو هێزە سیاسی و کۆمەڵایەتییەکان لەخۆ دەگرێت دەستی پێکرد. گفتوگۆکان جەخت لەسەر، "هاوسۆزی لەگەڵ سوریا دەکەنەوە لەپێناو پاراستنی یەکڕیزی و یەکپارچەیی خاک، سەروەری و سەلامەتی هاووڵاتیانی"

فوئاد حوسێن، وەزیری دەرەوەی عێراق لەگەڵ وەزیرانی عەرەب و دەرەوە ئامادە دەبێت، هەروەها چاوەڕوان دەکرێت نێردەی تایبەتی نەتەوە یەکگرتووەکان بۆ سووریا و نوێنەری باڵای پێشووی یەکێتی ئەوروپا بۆ کاروباری دەرەوە و سیاسەتی ئاسایش ئامادەبن.

لە دوای ڕووخانی ڕژێمی بەشار ئەسەدەوە، نوێنەرانی ئیدارەی نوێی سوریا و نزیکەی (17) وڵات بەشداری لەم گفتوگۆیانەدا دەکەن لەوانە ئەنجومەنی هاوکاری کەنداو، لیژنەی پەیوەندیی وەزارەتی عەرەبی بۆ سوریا، کۆمیتەکانی نەتەوە یەکگرتووەکان و یەکێتی ئەوروپا. ئەمڕۆ ڕیازی پایتەختی سعودیە میوانداری دوو کۆبوونەوەی گەورەی وەزیرانی دەرەوەی عەرەب دەکات کە عێراق لەگەڵ وڵاتانی ڕۆژئاوا وەک فەرەنسا، بەریتانیا، ئەڵمانیا، ئیتاڵیا، تورکیا و ئیسپانیا بەشداری تێدا دەکەن.

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین