كۆبوونەوەی نێوان ئێران و ئەمەریکا لە ڕۆما دەستیپێکرد
نوچە نێت
ڕۆژی شەممە (19/نیسان/2025) ماڵپەڕی (ئێرنا) بڵاویکردەوە، دووەمین دانوستاندنەکانی ناڕاستەوخۆی نێوان ئێران و ئەمەریکا لە ڕۆمای پایتەختی ئیتاڵیا دەستیپێکرد و بڕیارە هەردوولا گفتوگۆ لەسەر بەرنامە ئەتۆمییەکانی کۆماری ئیسلامی و کۆتاییهێنان بە سزاکانی ئەمەریکا لەسەر ئەو وڵاتە بکەن.
ئێران بەردەوام دووپاتی دەکاتەوە، "لە ئەگەر هاتنە كایەی هەر ڕێککەوتنێک، دەبێت ئەم ڕێككەتنە کۆتایی بە سزاکان بهێنێت و نیگەرانیەکان چارەسەر بکات، گەرەنتی و پاراستنی وڵاتەکەمان هەبێت لە داهاتوودا".
جێگەی ئاماژە پێدانە، دۆناڵد ترەمپ لە یەکەم خولی سەرۆکایەتیدا لە (2018) دا یەکلایەنە لە رێککەوتنی هەمەلایەنە لەگەڵ ئێران کشایەوە و هەڵمەتی فشاری لە دژی کۆماری ئیسلامی دەستپێکرد و بەم دواییانە جارێکی تر هەڕەشەی لە ئێران کرد ئەگەر لەگەڵ ئەمەریکا نەگاتە ڕێککەوتن لەسەر بەرنامە ئەتۆمیەکەی.
هاوکات هەریەک لە ئەمەریکا و ئیسرائیل و ئێران بە دروستکردنی چەکی ئەتۆمی تۆمەتبار دەکەن، تاران نکۆڵی لێدەکات و ڕەتی کردەوە.
ڕۆژی شەممەی (2025/4/12) گەڕی یەكەمی دانووستاندنەكانی نێوان تاران و واشنتۆن لەسەر دۆسیەی ئەتۆمی ئێران بە میوانداری و نێوەندگیری سەڵتەنەی عومان بەڕێوەچوو. دوای دانیشتنەکە دۆناڵد ترەمپ، سەرۆکی ئەمریکا رایگەیاند، "گفتوگۆكان بە شێوەیەكی باش بەڕێوە دەچێت"، لە بەرامبەردا، عەباس عێراچی، وەزیری دەرەوەی ئێران گوتی، "نزیکەی دوو کاتژمێر و نیو گفتوگۆی ناڕاستەوخۆمان كرد، گفتوگۆكان ئەرێنی بوو". هەروەها وڵاتانی جیهان بە بایەخەوە باسی گفتوگۆی هەردوو وڵاتیان کرد و چاوەڕوان دەکرێت ئەنجامی ئەرێنی لێ بكەوێتەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment