ڕووسیا و ئۆکراینا دەست بە دانوستاندنەكان دەكەنەوە
نوچە نێت
ڕۆژی سێشەممە (20/ئایار/2025) ماڵپەڕی (جەزیرە) بڵاویکردەوە، دۆناڵد ترەمپ، سەرۆکی ئەمەریکا دوای زیاتر لە دوو کاتژمێر لە پەیوەندییەکی تەلەفۆنی لەگەڵ ڤلادیمیر پوتین، سەرۆکی ڕووسیا ڕایگەیاند مۆسکۆ و کیێڤ دەستبەجێ دانوستان دەستپێدەکەن بۆ ئاگربەست و کۆتاییهێنان بە جەنگ کە چەندین ساڵە بەردەوامە.
لە بەرامبەردا، سەرۆکی ڕوسیا سوپاسی سەرۆکی ئەمەریکای کرد بۆ پشتیوانیکردن لە دەستپێکردنەوەی گفتوگۆ ڕاستەوخۆکانی نێوان ڕووسیا و ئۆکراینا و گوتی، ترەمپ ئاماژەی بە پشتیوانی ڕووسیا بۆ ئاشتی کردووە، بەڵام پرسیاری سەرەکی ئەوەیە چۆن بەرەو ئاشتی هەنگاو بنرێت.
پوتین بە پەیامنێرانی گوت "ئێمە لەگەڵ سەرۆکی ئەمریکا ڕێککەوتووین کە ڕووسیا پێشنیار دەکات و ئامادەیە لەگەڵ ئۆکراینا کار بکات لەسەر یاداشتنامەیەک سەبارەت بە رێککەوتنی ئاشتی لە داهاتوودا، کە ژمارەیەک بنەما دیاری دەکات، بۆ نموونە بنەماکانی چارەسەر و کاتی رێککەوتنی ئاشتی."
پوتین دووپاتی دەکاتەوە، "ئەگەر ڕێککەوتنی گونجاو ڕابگەیەنرێت ئەوا ئاگربەست ڕادەگەیێندرێت و گفتوگۆی راستەوخۆی نێوان ڕووسیا و ئۆکراینا هیوا بەخش دەبێت و ئەنجامی باشی دەبێت".
جێگەی ئاماژە پێدانە، سەرۆکی ئەمەریکا لەگەڵ بەرپرسانی وڵاتانی بەریتانیا و ئەوروپا هەوڵەکانی خۆی چڕ کردووەتەوە لە پێناو گەیشتنی ڕووسیا و ئۆکراینا بە ئاگربەست و کۆتایی هێنان بە جەنگی نێوان هەردوو وڵات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment