عێراق بۆ كۆمپانیا ئەمەریكییەكان: بەشداربن لە بەرەوپێشبردنی كەرتی وزەی وڵاتەكەمان
نوچە نێت
ئەمڕۆ دووشەممە (26/ئایار/2025) ماڵپەڕی (شەرقولئەوسەت) بڵاویکردەوە، محەمەد شیاع سوودانی، سەرۆک وەزیرانی عێراق دەڵێت، "پابەندبوونی بەغدا دووپات دەکەینەوە بۆ فراوانکردنی پەیوەندییەکان لەگەڵ ئەمەریکا بەتایبەتی لە بوارەکانی وزە، ئابووری و کەلتوور، سودانی لەگەڵ دوو لە سیناتۆرەکانی ئەمەریکا جەختی لەسەر سەقامگیری سیاسی و ئابووری عێراق کردەوە و چاکسازییەکانی کەرتی نەوت و گاز بە مەبەستی ڕاکێشانی وەبەرهێنانی بیانی بە گرنگ وەسفکرد".
نووسینگەی محەمەد شیاع سوودانی، سەرۆک وەزیرانی عێراق لە ڕاگەیێندراوێکدا ڕایگەیاند، "حکومەت هەنگاوی یەکلاکەرەوەی لەم بوارەدا ناوە و خاڵی گرنگی بەدەستهێناوە کە هاوکاری لەگەڵ کۆمپانیا ئەمریکییەکان بەهێز دەکات."
هاوکات فوئاد حوسێن، وەزیری دەرەوەی عێراق هیوای خواست عێراق پەیوەندی بەردەوام لەگەڵ واشنتۆن بکات و و گوتی، "عێراق کار دەکات بۆ خۆبژێوی وزە و سەربەخۆیی، پەیوەندییەکان لەگەڵ ئەمەریکا ستراتیژیانە دەمێننەوە و دژە تیرۆر و ئاوەدانکردنەوە و سەقامگیریی ناوچەکە بەهێزتر دەکات".
وەزیری دەرەوەی عێراق داوای وەبەرهێنانی زیاتری ئەمەریکا لە کەرتی وزە دەکات و ئاماژەی بە بەرەوپێشچوونی كەرتی گاز و فراوانکردنی پەیوەندییەکانی کارەبا لەگەڵ وڵاتانی دراوسێ و دۆزینەوەی کێڵگەی گازی نوێدا کرد.
فوئاد حوسێن دەشڵێت، "عێراق لەسەر رێگایە بۆ ئەوەی ببێتە بەرهەمهێنەری گەورەی گاز و داوا لە کۆمپانیا ئەمەریکییەکان دەکەین بەشداری بکەن لەو دەرفەتانەی کە ستراتیژی و گرنگن".
ئەم لێدوانانەی بەرپرسانی عێراق لە كاتێكدایە، هەفتەی ڕابردوو حکومەتی هەرێم و واشنتۆن بەهای (110) ملیار دۆلار ڕێککەوتنیان واژۆ كرد.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment