ڕایەک لەبەر خاتری هیچ کەس و لایەنێک نا!!
محەمەد تەها حوسێن*
یەکخستنەوەی عێڕاق و ئاخنینەوەی لە شکڵی دەوڵەتێکی خاوەن سەروەری گەیشتۆتە مەحاڵ،هەرچەندە هەرگیز باوەڕم بە یەکپارچەیی سۆسیۆسیاسی شتێک نەبووە ناوی عێڕاق بێ، بەڵام هەمیشە قەناعەتێکم لابووە کە چۆن کۆمەڵگە و نەتەوە درووست دەکرێن ئاوەهاش لە ڕووی زانستییەوە پێموابووە دەوڵەتیش دەسکردێکی ئینسانیە و دەکرێ زۆر باش و دەشکرێ زۆر خراپ و دەشکرێ مامناوەند بەیەکەوەبنرێ.
ئەو گرووپ و تایەفە و نەتەوانەی عێڕاقیان بەبەربڕا،لەوەتەی چوونەتە نێوی نەهەساونەتەوە،ئەمەش لە بنچینەدا شکستی سیاسی و دەوڵەتداریی دەگەیەنێ و هیچ کاتێکیش بیانووی بەرژەوەندییە نێودەوڵەتیەکان بەس نەبووە بۆ ئەم بێعەقڵیەی عێڕاقیەکان.
لە عێراقدا ئەوەی بڵێ من هۆگری عێڕاقم و ئینتیمام بۆی هەیە نەک ڕاست ناکا،بەڵکو درۆش دەکا،درۆیەک کە دڵی بەکردنی خۆشە ئەمەش لە سایکۆلۆجیادا پێیدەڵێن بەدرۆکەوتوو(سیدۆلۆجیا فانتاستیکا).
واتە ڕازاندنەوەی ناڕاست و ناشیرینەکان، ئەم درۆیە تەمەنی ١٠٤ ساڵە و گەورە کۆلۆنیالیستەکان لە دابەشکاریە غەنیمەتیەکانی نێوانیان لاهوتیانە هێڵ و هێڵکاریان تیادا کردووە.
ئەگەر چی چەند ساڵێک لەمەوبەر لەو قەناعەتە بووم کە لەمەولا کێشە نەتەوەییەکان مەرج نییە لە چوارچێوەی دەولەتی نەتەوەیی چارەسەر بکرێن و دیموکراتیزەکردنی دەسەڵات گەرەنتی ئەم ئامانجەیە، بەڵام ئەوانەی پێیاندەوترێ عێڕاقیەکان نە توانیان دەوڵەت دروست بکەن و نە لە دیموکراسیش گەیشتن.
ئەوەی ئێستا هەیە گەڕانەوەی سروتە تەوتەمیە شیعیەکان و دەوڵەتخەلافەی سوننەکان و میرنشینە کوردەکانە.
هەر ئەوەشە بۆ هەتا هەتایە ئینتیما بۆ ئەم ولاتە دروست ناکا،چون ئینتیما دیاردە و دەرکەوتێکی سایکۆسۆسیۆلۆجیە و لە پڕۆسەگەلێکی زۆر عەقڵانی درووست دەبێ.
---------
سەرنج: چەند ساڵێک بەر لە ئێستا ئەم ڕایەم بەشێوازی جۆراوجۆر و هەم بەکوردی و هەمیش بەعەرەبی لە سایت و پێگەی جیاجیا بڵاوکردۆتەوە. بەڵام ئەمەیان تەکەزکردنەوەیە
- ئەم بابەتە لە دیواری فەیسبووكی خۆی وەرگیراوە
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment