سەرۆکی ئەمەریکا هەوڵی کۆتایی هێنان بە جەنگی نێوان ئۆکراینا و رووسیا دەدات
نوچە نێت
وەرگێڕانی: سنوور یاسین
سەرۆکی ئەمەریکا هەوڵی کۆبوونەوەی سێ قۆڵی لەگەڵ سەرۆکی رووسیا و ئۆکراینا دەدات و کۆشکی سپی لەمبارەیەوە ڕایگەیاند، "بیر لە ناردنی بانگهێشتنامەی فەرمی بۆ سەرۆکی ئۆکراینا و رووسیا دەکەینەوە".
ڕۆژی یەکشەممە (10/ئاب/2025) ماڵپەڕی (شەفەق نیوز) بڵاویکردەوە، کۆشکی سپی بیر لەوە دەکاتەوە بانگهێشتنامەیەک بنێرێت بۆ ڤۆلۆدیمیر زیلینسکی، سەرۆکی ئۆکراینا و ڤلادیمیر پوتین، سەرۆکی رووسیا بۆ ئەوەی سەردانی ئالاسکا بکەن و لەگەڵ دۆناڵد ترەمپ، سەرۆکی ئەمەریکا کۆببنەوە.
بەرپرسێکی باڵای ئەمەریکی ئاماژە بۆ ئەوە دەکات، سەرۆکی ئەمەریکا ئامادەیە بۆ چڕکردنەوەی زیاتری هەوڵە دیپلۆماسییەکان بۆ کۆتاییهێنان بە جەنگی نێوان رووسیا و ئۆکراینا، ئەو بەرپرسە دەشڵێت، بە بڕوای دۆناڵد ترەمپ، سەرۆکی ئەمەریکا، "ئەگەر هەر سێ سەرکردەکە ڕووبەڕوو کۆببنەوە، دەرفەتێکی ڕاستەقینە دەبێت بۆ وەستاندنی ناکۆکی و توندووتیژییەکان".
لە بەرامبەردا، بەرپرسانی ئەوروپا لە بەیاننامەیەکی هاوبەشدا پێشوازییان لە دەستپێشخەرییەکەی سەرۆکی ئەمەریکا کرد بۆ ڕاگرتنی جەنگەکە و ڕایانگەیاند، "پشتیوانی خۆمان بۆ ئاشتییەکی دادپەروەرانە و هەمیشەیی دەردەبڕین کە ئاسایشی ئۆکراینا مسۆگەر بکات".
بەرپرسانی ئەوروپا دەشڵێن، "دیپلۆماسی لەگەڵ بەردەوامی پاڵپشتی سەربازی و ئابووری بۆ کیێڤ تاکە ڕێگەیە بۆ چارەسەرکردنی ناکۆکییەکە و کۆتایی هێنان بە جەنگی نێوان رووسیا و ئۆکراینا و هەر رێککەوتنێک دەبێت بەرژەوەندی ئاسایشی ئۆکراینا و ئەوروپا بپارێزێت و مافی ئۆکراینا لە داهاتوودا بپارێزێت".
لە کۆتایی بەیاننامەکەدا بەرپرسانی ئەوروپا دووپاتی دەکەنەوە، "بەبێ بوونی ئۆکراینا لەسەر مێزی گفتوگۆ وەک هاوبەشێکی یەکسان و سەرەکی، ئاشتی ڕاستەقینە بەدی نایەت تەنها وەستاندنێکی کاتی دەبێت بۆ جەنگەکە و دووبارە و لە زووترین کات جەنگ دەست پێدەکاتەوە".
بە بڕوای بەرپرسانی باڵای ئەوروپا، نابێت سنوورە نێودەوڵەتییەکان بە بەکارهێنانی هێز و بە زەبر بگۆڕدرێن، هێڵی پێشەوەی نێوان هێزەکانی رووسیا و ئۆکراینا دەتوانێت ببێتە بنەمایەک بۆ دانووستاندن لە مەیدانی جەنگدا.
سەرەڕای هەوڵە دیپلۆماسییە بەردەوامەکان، سێ ساڵە جەنگی نێوان رووسیا و ئۆکراینا بەردەوامە، بەرپرسانی ئۆکرانیا ئاماژە بۆ ئەوە دەکەن هێزەکانی رووسیا بەردەوام و لە هەر کاتێکدا هێرش دەکەن و چەندین هاووڵاتی گیانیان لە دەستداوە و بوونەتە قوربانی، ناوچە جیاوازەکان بە تەواوەتی وێران و خاپوور بوون.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment