ژمارەی قوربانیان بەهۆی جەنگەوە لە غەززە (60) هەزار كەسی تێپەڕاند
نوچە نێت
ڕۆژی چوارشەممە (13/ئاب/2025) ئاژانسی (ئەنادۆڵ) بڵاویکردەوە، وەزارەتی تەندروستی فەڵەستین لە بەیاننامەیەکدا ڕایگەیاند، لە مانگی ئۆکتۆبەری (2023)وە نزیکەی (61) هەزار و (722) فەڵەستینی لە کەرتی غەزە گیانیان لەدەستداوە، هاوکات مردن بەهۆی برسێتییەوە گەیشتووەتە (235) هاووڵاتی کە (106) یان منداڵن.
لە بەیاننامەکەدا ئاماژە بۆ ئەوەش کراوە، تەنیا لە ماوەی (24) کاتژمێری ڕابردوودا (123) تەرم گەیشتوونەتە نەخۆشخانەکان، هەروەها (437) هاووڵاتیش برینداربوون، بەمەش کۆی گشتی بریندارەکان لە سەرەتای دەستپێکردنی جەنگەکەوە گەیشتووەتە (154) هەزار و (525) هاووڵاتی.
بەیاننامەکە دووپاتی دەکاتەوە، "بەهۆی خراپی شوێنەکان و نەتوانی گەیشتنی تیمەکانی فریاگوزاری، هێشتا زۆرێک لە قوربانییەکان لە ژێر داروپەردوو و لەسەر ڕێگاکان گیریان خواردووە".
وەزارەتەکە جەخت لەوە دەکاتەوە، لە (24) کاتژمێری ڕابردوودا (21) فەڵەستینی لە کاتی هەوڵدان بۆ وەرگرتنی یارمەتیی مرۆیی بەهۆی بۆردومانەکانی ئیسرائیلەوە گیانیان لەدەستداوە و (185) هاووڵاتی دیکەش برینداربوون، کۆی گشتی گیان لەدەستدانی فەڵەستینییەکان لە کاتی داوای یارمەتیدا گەیشتە هەزار و (859) هاووڵاتی، بە جۆرێک تەنیا لە سێ مانگی ڕابردوودا زیاتر لە (13) هەزار و (594) هاووڵاتی دیکە برینداربوون.
جێگەی ئاماژە پێدانە، سوپای ئیسرائیل لە (18)ی ئادارەوە هێرشەکانی بۆ سەر کەرتی غەزە دەستپێکردووەتە و لەو کاتەوە تا ئێستا (10) هەزار و (201) هاووڵاتی گیانان لەدەستداوە و (42) هەزار و (484) هاووڵاتی دیکەش برینداربوون.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment