هەوڵە دیپلۆماسییەکان بۆ چارەسەرکردنی جەنگی ئۆکراینا و رووسیا لاواز دەبێت عێراق ناوچەکە و جیهان

نوچە نێت:

بەهۆی بەرزبوونەوەی ئاستی ناکۆکییەکان هەوڵە دیپلۆماسییەکان بۆ کۆتایی هێنان بە جەنگی نێوان ئۆکراینا و رووسیا لاواز بووە.

ڕۆژی پێنجشەممە (21/ئاب/2025) ماڵپەڕی (شەفەق نیوز) بڵاویکردەوە، سەرەڕای هەوڵە دیپلۆماسییەکان بۆ گەیشتن بە چارەسەری کۆتایی، پێکدادانە چڕەکانی نێوان سوپای ئۆکراینا و رووسیا بەردەوامیان هەیە.

هاوکات میدیای فەرمی رووسیا بڵاویکردەوە، چەندین هاووڵاتی سڤیل گیانیان لە دەستداوە، هێزەکانی رووسیا لە یەک ڕۆژدا (217) فڕۆکەی بێفڕۆکەوانی ئۆکراینایان کۆنتڕۆڵ کردووە، هێزەکانی رووسیا ئۆپراسیۆنێکی شەوانەیان ئەنجامداوە کە (574) فڕۆکەی بێفڕۆکەوان و (40) مووشەک تێیدا بەشداربووە.

ئەم پێدکانانەی نێوان رووسیا و ئۆکراینا دوای ئەوە دێت هەفتەی رابردوو دۆناڵد ترەمپ، سەرۆکی ئەمەریکا لەگەڵ ڤلادیمیر پوتین، سەرۆکی رووسیا لە ئەلاسکا کۆبووەوە، هەروەها ڕۆژی دووشەممە (18-8-2025) لە کۆشکی سپی لە ئەمەریکا گفتوگۆی لەگەڵ ڤۆلۆدیمیر زیلینسکی، سەرۆکی ئۆکراینا و سەرکردەکانی ئەوروپا ئەنجامدا بۆ دۆزینەوەی چارەسەر بۆ کۆتاییهێنان بە جەنگی نێوان هەردوو ولات. 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین