جەنگیز چاندار: لەمەودوا دەبێ کۆمیسیۆنی پەرلەمان رەشنووسی یاسای گەڕانەوەی گەریلاكان ئامادە بكات
نوچە نێت
ئەمڕۆ دووشەممە (29/ئەیلوول/2025) جەنگیز چاندار پەرلەمانتاری ئامەدی دەم پارتی سەبارەت بە ئامانجی دامەزراندنی کۆمسیۆنی پەرلەمان لە پرۆسەی ئاشتی لە چاوپێکەوتنێکدا لەگەڵ کەناڵی ڕووداو رایگەیاند، ئامانجی دامەزراندنی کۆمیسیۆنەکەی پەرلەمان، دانانی ژێرخانی یاساییە بۆ گەڕانەوەی گەریلاکانە، هەروەها دانانی ژێرخانی یاسایی بووە بۆ پرۆسەی چەکدانان.
چاندار ئاماژەی بەوە کرد، دوای ئەوەی نوعمان کورتوڵمووش، سەرۆکی پەرلەمان و سەرۆکی کۆمیسیۆنەکە رایگەیاند، قۆناخی گوێگرتن لە بیروبۆچوونەکان کۆتایی هاتووە، ئیدی دەبێ کۆمیسیۆنەکە دەست بە ئامادەکردنی رەشنووسی یاساکان بکات.
ئەو پەرلەمانتارەی دەم پارتی گوتیشی، ژێرخانی یاسایی بریتییە لە یاسای تایبەت بە گەڕانەوە، واتە گەڕانەوەی گەریلاکانی پەکەکە کە چەکیان داناوە بۆ ئەوەی بتوانن تێکەڵی ژیانی کۆمەڵایەتی و سیاسی لە تورکیا ببنەوە.
لە درێژەی قسەکانیدا چاندار باسی لەوەش کرد، پێویستە گۆڕانکاری لە یاسای جێبەجێکردنی سزادا بکرێ بۆ گەڕانەوەی ئەو هەزاران کەسەی لە زیندانەکان و لە دەرەوەی وڵاتن. دەشڵێت، کۆمیسیۆن دەبێ رەشنووسەکان ئامادە بکات و بیانباتە پەرلەمان. پێشبینی دەکەم دوای کردنەوەی پەرلەمان لە 1ـی تشرینی یەکەم، لە مانگێک یان دوو مانگدا ئەو رەشنووسانە ببرێنە پەرلەمان.
جێگەی ئاماژەپێدانە رۆژی (11)ـی تەممووزی ئەمساڵ لە سنووری پارێزگای سلێمانی بە شێوەیەکی سیمبوولی ژمارەیەك گەریلای پەكەكە لە رێوڕەسمێكدا چەكەكانیان دانا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment