قەتەر بەشداریی لە گفتوگۆكانی نێوان ئیسرائیل و حەماس دەكات
نوچەنێت
ڕۆژی چوارشەممە (2025/10/8) ئاژانسی (ئەنادۆڵ) بڵاویکردەوە، شێخ محەممەد بن عەبدولڕەحمان، سەرۆک وەزیرانی قەتەر سەردانێکی فەرمی بۆ شەرەم شێخی میسر ئەنجام دەدات بە ئامانجی تاوتوێ کردنی دوایین پێشهاتەکانی نێوان ئیسرائیل و فەڵەستین. ماجد ئەنساری، وتەبێژی وەزارەتی دەرەوەی قەتەر لە تۆڕی کۆمەڵایەتی ئێکس سەبارەت بە سەردانەکە گوتی، "سەردانەکەی سەرۆک وەزیران بەشێکە لە چڕکردنەوەی هەوڵە ناوچەیی و نێودەوڵەتییەکان سەبارەت بە کۆتایی هێنانی جەنگی نێوان ئیسرائیل و فەڵەستین و ڕاگەیاندنی ئاگربەست".
کۆتایی مانگی ئەیلوولی (2025) دۆناڵد ترەمپ، سەرۆکی ئەمەریکا پلانێکی (20) خاڵی پێشکەش کرد بۆ کۆتایی هێنان بە جەنگی نێوان ئیسرائیل و فەڵەستین ئاراستەی چەکدارانی حەماس کرد، حەماس وەڵامی ئەرێنی پلانەکەی دایەوە. سەرۆک نێچیرڤان بارزانی، سەرۆکی هەرێمی کوردستان پێشوازی لە پلانەکەی سەرۆکی ئەمەریکا کرد و ڕایگەیاند، "هانی سەرجەم لایەنەکان دەدەم کە بەشێوەیەکی بنیاتنەرانەوە بەشداری لە دیالۆگدا بکەن بۆ بەدەستهێنانی ئاشتی، ئاسایش و خۆشگوزەرانی بەردەوام بۆ خەڵکی ناوچەکە".
هەریەک لە وڵاتانی میسر و قەتەر نێوەندگیری سەرەکی نێوان ئیسرائیل و فەڵەستینن، ڕۆژی (2025/10/7) وتەبێژی وەزارەتی دەرەوەی قەتەر ڕایگەیاند، "پێویستە لە داهاتوودا غەززە لە ژێر کۆنتڕۆڵی فەڵەستینییەکاندا بمێنێتەوە و داهاتووی غەززە و هاووڵاتییانی ئەم کەرتە دەبێت لەلایەن فەلەستینییەکانەوە دیاری بکرێت".
دوای دوو ساڵ لە بەردەوامی جەنگ و گیانلەدەستدانی نزیکەی (67,200) فەلەستینی لە غەززە کە زۆربەیان ژن و منداڵن و وێرانکارییە بەردەوامەکان بەهۆی جەنگەکەوە ناوەڕاستی ئەم هەفتەیە نوێنەرانی حەماس و ئیسرائیل بە ئامادەبوونی وڵاتانی نێوەندگیر گفتوگۆی ناڕاستەوخۆیان دەستپێکردووە بە ئامانجی گەیشتن بە ڕێککەوتنی کۆتایی.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment