دەوڵەت باخچەلی بۆچی بە عەبدوڵڵا ئۆجەلانی گوتووە "سەرکردەی دامەزرێنەر"؟
نوچەنێت
ئەمڕۆ پێنجشەممە (2025/10/23) ماڵپەڕی (هاڵک) بڵاویکردەوە، لەدوای دەستپێکردنی پرۆسەی ئاشتی دەوڵەت باخچەلی کە بەیەکێک لە دامەزرێنەری پرۆسەکە دادەنرێت بەرامبەر بە پرسی کورد زۆر نەرمیی دەنوێنێت، ئەمەش بۆتە جێگەی گومان لای هەندیك لایەنی سیاسی تورکیا بەتایبەت پێشنیاری دانانی دوو جێگیر بۆ سەرۆک کۆمار کە یەکێکیان کورد و ئەوەی دیکەیان عەلەوی، هەروەها ناونانی عەبدوڵڵا ئۆجەلان سەرۆکی زیندانیکراوی پەکەکە بە "سەرکردەی دامەزرێنەر" رەخنەی زیاتری ئاراستەکرا.
لە وەڵامی ئەم هەموو رەخنانە سەرۆکی گشتی مەهەپە لە بەرنامەیەکدا وەڵام دەداتەوە و دەڵێت، "ئەگەر لەنێوان دووخاڵدا خەتێکی ڕاست کێشرا هەموو شتێک بە ڕوونی لێیتێدەگەین، ئەگەر لە پرۆسەی ئاشتیدا زمانێکی زبر بەکاربهێنین، لەنێوان خاڵەکاندا هێلێکی خراپ دەردەکەوێت، ئەو کات بەسەختی دەتوانین بگەین بە ئامانجەکەمان. هەربۆیەش "سەرکردەی دامەزرێنەر" بۆیە بەکارمهێنا، لە پرۆسەکەدا هیچ لایەنێک نادۆرێت یان سەرناکەوێت، پرۆسەکە بە جوانی بەرەوپێشوەدەچێت لێرەدا کۆماری تورکیا سەردەکەوێت. "
سەبارەت بە پێشنیاری دانانی جێگری سەرۆک کۆمار کە یەکێکیان کورد و ئەوەی دیکەیان عەلەوی بێت دەڵێت، "من پێشنیاری جێگرێکی کورد و عەلەویم بۆ سەرۆکی داهاتووی تورکیا کردووە، ئامانج لێرە هیچ بەربەستێک لەمەدا نییە، بەلایەنی کورد و عەلویمان گوتووە با کاندیدێک بۆ خۆیان دیاری بکەن، ئەگەر هاتوو توانیان لە (%51) دەنگی پێویست بەدەست بهێنن ئەوکات دەتوانێت ببێت بە جێگری سەرۆک هەموو کەس دەتوانێت خۆی کاندید بکات بەڵام ئەو پێشنیارانەم کاریگەی بەسەر هەندێک لە هاورێکانمان دروست کرد."
جێگەی ئاماژە پێدانە، پرۆسەی ئاشتی لە تورکیا بە دەستپێشخەری دەوڵەت باخچەلی، سەرۆکی مەهەپە و بانگەوازی ئۆجەلان بۆ چەکدانان و هەڵوەشاندنەوەی رێکخراوی پەکەکە دەستیپێکرد، لە ئێستادا کۆمسیۆنێک لە پەرلەمانی تورکیا سەبارەت بە بەرەوپیشوەچوونی پرۆسەکە دامەزراوە و چەندین کۆبوونەوە سەبارەت بە پرسی کورد لە تورکیا ئەنجامدراوە بۆ گەیشتن بە ئاشتییەکی هەمیشەیی لەنێوان تورک و کورد.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment