ترەمپ کۆتایی بە جەنگێكی دیكە هێنا
نوچەنێت
ڕۆژی یەکشەممە (2025/10/26) ماڵبەڕی (بی بی سی) بڵاویکردەوە، دۆناڵد ترەمپ، سەرۆکی ئەمریکا، لە مەراسیمی واژۆکردنی ڕێککەوتننامەی ئاشتیی نێوان تایلەند و کەمبۆدیا وتارێکی پێشکەش کرد و ڕایگەیاند، "لە ئیدارەکەمدا جەنگێکی تر کۆتایی پێ هات، سەرکەوتوو بووین لە کۆتاییهێنان بە ململانێی نێوان تایلەند و کەمبۆدیا. پیرۆزبایی لە سەرکردەکانی هەردوو وڵات دەکەم بۆ ڕێککەوتننامەی ئاشتی، ئامانجی ئێمە وەستاندنی جەنگەکان و بەهێزکردنی ڕێڕەوی ئاشتی و خۆشگوزەرانییە".
سەرۆکی ئەمەریکا دەشڵێت، "ڕۆژێکی گرنگە بۆ باشووری ڕۆژهەڵاتی ئاسیا و هەنگاوێکی گەورەیە، ترەمپ سەرۆک وەزیرانی هەردوو وڵاتی بە کەسایەتی مێژوویی ناوبرد". هاوکات ڕاشیگەیاند، "بەهۆی ڕێککەوتنەکەوە هاووڵاتییان و وڵاتان ڕزگاریان دەبێت لە ناکۆکییەکان".
بە گوێرەی زانیارییەکان رێککەوتنامە نوێیەکەی نێوان ئەم دوو وڵاتە پێشکەوتنێکی بەرچاوی دەبێت و ئارامی دەگەڕێنێتەوە بەهۆی ئەوەی هەردوو وڵات بڕیاریان داوە چەکی قورس لە شوێنە جوگرافییە ناکۆکەکان بکشێننەوە و تیمێکی چاودێری کاتی پێکبهێنن بۆ چاودێریکردنی بارودۆخەکە. هاوکات پلانیان داناوە بۆ دامەزراندنی هێزێکی هاوبەش بۆ ڕووبەڕووبوونەوەی زیادبوونی هەر هەنگاوێکی کە نائارامی و نائاسایشی بەدواوە بێت. دیپلۆماتکارانی تایلەند ئاماژەیان بۆ ئەوە کردووە کە بەشداری دۆناڵد ترەمپ، سەرۆکی ئەمەریکا یارمەتیدەر دەبێت بۆ بەردەوامی ئەم ڕێککەوتنە.
ڕێککەوتننامەی ئاشتی نێوان تایلەند و کەمبۆدیا لە نێوان سەرۆک وەزیرانی تایلەند، سەرۆک وەزیرانی کەمبۆدیا واژۆ کرا لە کاتێکدا سەرۆکی ئەمەریکا بۆ بەشداریکردن لە لوتکەی کۆمەڵەی گەلانی باشووری ڕۆژهەڵاتی ئاسیا سەردانی کوالامپوری کردبوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment