هەسەدە بۆ یەکگرتنەوە لەگەڵ سوپای سووریا ناوی (70) فەرماندەی بە هاوپەیمانی نێودەوڵەتی دەدات
نوچە نێت
ئەمڕۆ چوارشەممە (2025/10/29) ماڵپەڕی (بیرگون) بڵاویکردەوە، لەدوای ڕوخانی بەشار ئەسەد و هاتنە سەر دەسەڵاتی ئەحمەد شەرع تاوەکو ئێستا گرژیی و ململانێ لەنێوان هێزە کوردییەکانی سووریا دیموکرات و سوپای سووریا بەردەوامە، هەروەها فشارەکانی تورکیاش تادێت زیاتر دەبێت و هەڕەشەی ئۆپەراسیۆنی سەربازی بۆ سەر ڕۆژئاوای کوردستان دەکات و داوای تێکەڵبوونەوەی هێزەکانی هەسەدە لەگەڵ سوپای سووریا دەکات.
هاوکات هەنگاوەکانی یەکگرتنەوەی هێزەکانی سووریای دیموکرات و سوپای سووریا لە چوارچێوەی ڕێککەتنەکانی (10)ـی ئازار و دانوستاندنەکان لە دیمەشق بەردەوامە، بەگوێرەی زانیارییەکانی دەزگای نۆرس پرێس ، هەسەدە لیستی ناوی (70) فەرماندەی ڕادەستی هێزەکانی هاوپەیمانی نێودەوڵەتی کردووە بۆ بەشداریکردن لە لیوا تایبەتەکانی سوپای سووریا، هەروەها بەمەبەستی بەشداریکردن لە نوێنەری وەزارەتی بەرگریی و ئەرکەکانی گشتی سووریا.
ماڵپەرەکانی تورکیا سەبارەت بەو هەواڵە ئاماژە بەوە دەکەن، لە لیستەکەدا فەرماندەی سێ فیرقەی سەربازی جێگیرکراوە لە ناوچەکانی حەسەکە، ڕەقە و دێرەزۆر، هەروەها فەرماندەی سێ لیوای تایبەت لەژێر دەسەڵاتی گشتی و لیوای هەماهەنگی لەگەڵ هاویمانی نێودەوڵەتی کە ئەرکەکانیان بریتییە لە ئۆپەراسیۆنەکانی بەرەنگاربوونەوەی تیرۆر. هەروەها هەسەدە لە کاتی پێشکەشکردنی لیستی ناوەکان داواشی کردووە بە زووترین کات یەکگرتنەوە لەگەڵ سوپای سووریا ئەنجام بدرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment