ئۆکراینا مەرجەکانی ئاشتی ئەمەریکای قبووڵکردووە
نوچەنێت
ئەمڕۆ سێشەممە (2025/11/25) ماڵپەڕی (میللەت) بڵاوی کردەوە، هەوڵەکانی دۆناڵد ترەمپ سەرۆکی ئەمەریکا بۆ گەیشتن بە ڕێککەوتنی ئاشتی و وەستاندنی جەنگی ئۆکراینا و ڕووسیا بەردەوامە. بەگوێرەی زانیارییەکانی میدیای ئەمەریکا سەرۆکی ئۆکرینا مەرجەکانی ئەمەریکا قبووڵ کردووە و دووبارە سەردانی کۆشکی سپی دەکات بۆ واژۆکردنی ڕێککەوتنەکە.
هاوکات چەند کاتژمێرێک بەرلە ئێستا، ڕوستم ئۆمێرۆڤ ڕاوێژکاری ئاسایشی ئۆکراینا ڕایگەیاند، "ڤۆلۆدیمیر زێلێنسکی سەرۆکی ئۆکراینا بەمەبەستی گفتوگۆکردن سەبارەت بە مەرجەکانی سەرۆکی ئەمەریکا و رێککەوتنی ئاشتی لەگەڵ ڕووسیا بە زووترین کات سەردانی ئەمەریکا دەکات."
هەر سەبارەت بەو هەوڵانە، سێرگی لاڤرۆڤ وەزیری دەرەوەی ڕووسیا ڕایگەیاند کە بەم نزیکانە ئەمەریکا بەفەرمی ئاگادارییان دەکاتەوە لە رێککەتنی ئاشتی لەگەڵ ئۆکراینا و لەئێستادا دانوستاندنەکان لەوبارەیەوە لەگەڵ سەرکردەکانی ئەوروپا و ئۆکراینا بەردەوامە.
وەزیری دەرەوەی ڕووسیا باسی لەوەش کردووە، تورکیا دەتوانێت ڕۆڵی نێوەندگیریی لە دانوستاندنەکانی ئاشتی لەنێوان ئێمە و ئۆکراینا بگێرێت. هاوکات دوێنێ ڕەجەب تەیب ئەردۆغان سەرۆک کۆماری تورکیا بە تەلەفۆن پەیوەندی بە سەرۆکی ڕووسیا کردوو تاوتوێی کۆتایهێنان بە جەنگ لەگەڵ ئۆکراینایان کرد.
جێگەی باسە، سەرۆکی ئەمەریکا بۆ کۆتایهێنان بە جەنگی ئۆکراینا و ڕووسیا پیلانێکی (28) خاڵی ڕاگەیاند، چاوەروان دەکرێت لەم نزیکانە ئۆکراینا بەو مەرجانەی نێو پیلانەکەی ترەمپ ڕازیبێت و رێککەوتنی ئاشتی لەگەڵ ڕووسیا واژۆ بکات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment