سەرۆکایەتیی کۆماری عێراق ئیدانەی هێرشەكەی سەر كێڵگەی گازی كۆرمۆر دەكات
نوچەنێت
ڕۆژی پێنجشەممە (2025-11-27) ماڵپەڕی (شەفەق نیوز) بڵاویکردەوە، سەرۆکایەتیی کۆماری عێراق ڕاگەیێندراوێکی سەبارەت بە هێرشەکەی دوێنێ شەوی سەر کێڵگەی غازی کۆرمۆر بڵاوکردە و ڕایگەیاند، "هێرشە درۆنییەکەی سەر کێڵگەی کۆرمۆر ئیدانە دەکات و بە هەوڵێکی بێ هیوا و بێ داهاتوو ناوی دەبات".
لە ڕاگەیێندراوەکەدا ئاماژە بۆ ئەوەش کراوە، "هێرشەکە هەوڵێکی بێهیوا بووە بۆ بە ئامانج گرتنی سەقامگیری وڵات و گەیاندنی زیان بۆ ئابووری نیشتمانی، نانەوەی ئاژاوە و تێکدانی ئاسایش و سەقامگیری وڵات". سەرۆکایەتیی کۆماری عێراق داوا دەکات، "لێکۆڵینەوەیەکی جددی بکرێت بۆ دیاریکردنی ئەو کەس و لایەنانەی هێرشەکەیان ئەنجام داوە و هێزە ئەمنییەکان ڕێگری بکەن لە بوونی نائارامی و تێکدانی ئاسایش و سەقامگیری وڵات".
کاتژمێر (11:30)ـــی شەوی چوارشەممە (2025-11-26) لەلایەن فڕۆکەی بێ فڕۆکەوانەوە هێرش کرایە سەر کێڵگەی غازی کۆرمۆر و ئاگرێکی گەورەی لێکەوتەوە، بەڵام هیچ زیانێکی گیانی لێ نەکەوتەوە. وەزارەتی سامانە سروشتییەکان و کارەبای حکومەتی هەرێمی کوردستان ڕایانگەیاند، "هێرشەکە بووە هۆی وەستاندنی گەیاندنی گاز بۆ ژمارەیەک لە وێستگەکانی کارەبا و پێدانی کارەبا بە هاووڵاتییان کەم دەبێتەوە".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment