ماکڕۆن: وڵاتانی ئەوروپا فشاری زیاتر دەخەنەسەر ڕووسیا
نوچەنێت
ڕۆژی دووشەممە (2025/12/8) ئاژانسی (ئەنادۆڵ) بڵاویکردەوە، ئیمانوێل ماکڕۆن، سەرۆکی فەڕەنسا لەگەڵ هەریەکە لە کییەر ستامەر، سەرۆک وەزیرانی بەریتانیا و ڤۆلۆدیمیر زیلینسکی، سەرۆکی ئۆکراینا لە لەندەنی پایتەختی بەریتانیا کۆبووەوە بۆ تاوتوێکردنی پلانی ئاشتی بۆ ئۆکراینا و ڕایگەیاند، "ڕووسیا دەزانێت لە ڕێگەی فشاری ئابوورییەوە هەوڵی بەردەوام هەیە بۆ کۆتایی هێنان بە جەنگی نێوان وڵاتەکەی و ئۆکراینا، وڵاتانی ڕۆژئاوا بەردەوام دەبن لە گرتنەبەری شێوازی جیاواز تاوەکو ڕێگەخۆشکەر بێت بۆ ئاشتی ئۆکراینا".
ماکرۆن دەشڵێت، "سزاکانی یەکێتیی ئەوروپا و ئەمەریکا لە چەند مانگی ڕابردوودا کاریگەری بەرچاویان لەسەر ئابووری ڕووسیا هەیە لەبەرئەوە پێویستە ڕووسیا هەوڵی ئاشتی بدات و هەنگاوە ئەرێنییەکان زیاتر بکات چونکە ئابووری ڕووسیا خەریکە تووشی زیانی گەورە دەبێت".
سەرۆکی فەڕەنسا دووپاتی دەکاتەوە، "فشارەکانی وڵاتانی ئەوروپا و ئەمەریکا یارمەتیدەر دەبێت بۆ دروستکردنی ڕێگەیەکی باشتر بۆ هەوڵە دیپلۆماسییە هەماهەنگیەکان سەبارەت بە کۆتایی هێنانی جەنگی ڕووسیا و ئۆکراینا".ماکڕۆن نایشارێتەوە کە یەکێتیی ئەوروپا کێشەیەکی سەرەکی هەیە ئەویش، "دۆزینەوەی خاڵی هاوبەشە لە نێوان هەڵوێستەکانی ئەوروپا، ئۆکراینا و ئەمەریکا بۆ کۆتاییهێنان بەم دانووستاندنانەی ئاشتی و پەسەندکردنی ئاشتی بۆ هەموو لایەک."
هاوکات کییەر ستامەر، سەرۆک وەزیرانی بەریتانیا دەڵێت، "هەڵوێستی ئەوروپا نەگۆڕاوە، ئەوان لەگەڵ ئۆکراینا دەوەستن و پێویستە ئاگربەستێکی دادپەروانە و درێژخایەن بۆ جەنگی ڕووسیا و ئۆکراینا بێتە ئاراوە".
لای خۆیەوە، ڤۆلۆدیمیر زیلینسکی، سەرۆکی ئۆکراینا سوپاسی سەرکردەکانی ئەوروپای کرد و ڕایگەیاند، "یەکێتی و هەماهەنگییەکانی نێوان ئەوروپا، ئۆکراینا و ئەمەریکا زۆر گرنگە هەندێک هەنگاو هەن کە بەبێ ئەمەریکا ناتواندرێت چارەسەر بکرێن و هەندێکی تریش هەن کە بەبێ ئەوروپا چارەسەرکردنیان ئەستەمە. بۆیە پێویستە بەیەکەوە بڕیاری گرنگ بدەن."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment