ئەمەریکا مەرجی نوێی بۆ عێراق هەیە
نوچەنێت
ڕۆژی چوارشەممە (2025-12-10) ماڵپەڕی (شەفەق نیوز) بڵاویکردەوە، جۆ ویڵسن، کۆنگرێسمانی ئەمەریکا ئاشکرای کرد، "کۆنگرێس ئامادەیە مەرجی نوێ بخاتە ناو یاسای دەسەڵاتی بەرگری نیشتمانیی ئەمەریکا بۆ فشار خستنە سەر دەسەڵاتدارانی عێراق بۆ ئەوەی هەنگاوی ڕاستەقینە و جددی بنێن دژی گروپە چەکدارەکانی سەر بە ئێران لە عێراق و تەنیا بە مەرجی نەهێشتنی پەیوەندییان هاوکارییەکانی ئەمەریکا بۆ عێراق بەردەوام دەبێت". هاوکات باس لە هەرێمی کوردستان دەکات و دەڵێت، "دەبێت بەغدا ئاسایشی هەرێم پارێزراو بکات و ڕێگە لە هێرشەکانی سەر هەرێم بگرێت".
ویلسۆن ئاماژە بۆ ئەوەش دەکات، "ستایشی دۆناڵد ترەمپ، سەرۆکی ئەمەریکا و مارک ساڤایا، نێردەی ئەمەریکا لە عێراق دەکات کە دەستێکی باڵای هەبووە لە گرتنەبەری هەنگاوەکانی ئەمەریکا بەرامبەر بە عێراق چونکە ئامانجی ئەوان بریتییە لە دووبارە مەزن کردنەوەی عێراق بۆ ئەم وڵاتەیان ڕوون کردووەتەوە کە کارکردن وەک جاران لە پشتیوانیکردنی میلیشیاکانی سەر بە ئێران قبووڵکراو نییە و کاتی ئەوە هاتووە کۆتایی بە میلیشیا جیاوازەکان بێت لە عێراقدا".
بە گوتەی کۆنگرێسمانەکەی ئەمەریکا، "ئامانجی ئەمەریکایە ئەو گۆڕانکارییە لە ڕێگەی یاسادانانەوە جێبەجێ بکات. عێراق هەلی گەشەکردنی بەرچاوی هەیە ئەگەر میلیشیاکان بوونیان نەبێت لەم وڵاتەدا، کۆنگرێس ئامادەیە پشتگیری لە سەرۆکی ئەمەریکا بکات و بڕگەیەکی نوێ لە یاسای دەسەڵاتی بەرگری نیشتیمانیی دابنێت کە بۆ یەکەم جار یارمەتی هێزە ئەمنییەکانی عێراق مەرجدار بکات".
جۆ ویڵسن دەشڵێت، "دەبێت حکومەتی عێراق دامەزراوە دادوەرییەکان، سوپا و پۆلیسی عێراق لە بەرژەوەندی گەلی عێراق کار بکەن و دوور بن لە هەموو جۆرە کاریگەرییەکی دەرەکی و پێویستە بەغدا ڕێز لە ئاسایشی حکومەتی هەرێمی کوردستان بگرێت و ڕێگە بە هێرشکردنە سەر هەرێم نەدات".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment