مەترسی لەسەر ئاگربەستی حەماس و ئیسرائیل هەیە
نوچەنێت
ڕۆژی یەکشەممە (2025/12/14) ئاژانسی (رۆیتەرز) بڵاویکردەوە، بەرپرسێکی باڵای حەماس و سەرۆکی شاندی دانووستاندنکاری حەماس ڕایگەیاند، "کوژرانی بەرپرسێکی باڵای حەماس لەلایەن ئیسرائیلەوە هەڕەشەیە بۆ ئاگربەستی نیوان حەماس و ئیسرائیل، ئەگەری ڕێککەوتن ناهێڵێت".
سەرۆکی شاندی دانووستاندنکاری حەماس دەشڵێت، "کوشتنی سەرکردە باڵاکانی حەماس هەڕەشەن بۆ بەردەوامیدان بە ڕێککەوتنی نێوان حەماس و ئیسرائیل، داوا لە وڵاتانی نێوەندگیر و بە تایبەتی دۆناڵد ترەمپ، سەرۆکی ئەمەریکا دەکات کاربکەن بۆ دڵنیابوونەوە لەوەی کە ئیسرائیل ڕێز لە ئاگربەستی نێوان هەردوولا دەگرێت و پابەند دەبێت بە ڕێککەوتن و ئاگربەستەوە".
ئەم هەنگاوانەی حەماس و ئیسرائیل دوای بەردەوامی دانووستاندنەکانی نێوان وڵاتان دێت بە ئامادەبوونی شاندی هەردوولا لە پێناو گەیشتن بە ڕێککەوتنی کۆتایی و ڕاگەیاندنی ئاگربەست چونکە ئیسرائیل داوا دەکات حەماس چەک داماڵێت و دەستی نەبێت لە بەڕێوەبردنی غەززە لە داهاتوودا، بەڵام حەماس ڕەتیدەکاتەوە و دەڵێت، "دەستبەرداری چەکەکانی نابێت و پێویستە ئیسرائیل بوونی نەبێت لە غەززە".
دوێنێ شەممە (2025/12/13) ڕاید سەعید، فەرماندەی باڵای حەماس و سێ چەکداری حەماس کوژران و حەماس ڕایگەیاند، "ئیسرائیل تاوانبارە بە کوشتنیان، لە بەرامبەردا سوپای ئیسرائیل ئامادە نەبوو هیچ لێدوانێک لەبارەیەوە بدات".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment