هاوکارییە داراییەكانی ئەمەریکا بۆ ئۆکراینا کەم دەكرێتەوە
نوچەنێت
ڕۆژی پێنجشەممە (2025/12/25) ماڵپەڕی (شەفەق نیوز) بڵاویکردەوە، بە گوێرەی بەڵگەنامەکانی حکومەتی ئەمەریکا، "لە ساڵی داهاتوودا ئۆکراینا کەمترین ئاستی یارمەتی سەربازی ئەمەریکا وەردەگرێت لەوەتەی جەنگی نێوان ڕووسیا و ئەم وڵاتە دەستیپێکردووە لە (2022). هاوکات ئاژانسی هەواڵی فەرمی ڕووسیا بڵاویکردەوە، "لە بودجەی بەرگریی ئەمریکا بۆ ساڵی دارایی (2026)، ئۆکراینا (400) ملیۆن دۆلار بۆ کڕینی چەکی نوێ لە ئەمەریکا وەردەگرێت.
بە گوێرەی زانیارییەکان ئەم کەمکردنەوەیە لە چوارچێوەی پلان و بۆچوونی دۆناڵد ترەمپ، سەرۆکی ئەمەریکایە کە چەندین جار باسی لەوە کردووە، "واشنتۆن چیتر بڕە داراییەکی زۆر بۆ ئۆکراینا خەرج ناکات و ئەمەریکا چەک بە نرخی تەواو بە هاوبەشەکانی ناتۆ دەفرۆشێت و ئەوان دەتوانن لەڕێگەیەوە یارمەتی ئۆکراینا بدەن".
لە لایەکی ترەوە وەزارەتی بەرگریی ئەمەریکا ڕایدەگەیێنێت، "واشنتۆن لە (2025) دا بەردەوام بووە لە دابینکردنی چەک و تەقەمەنی بۆ ئۆکراینا بە بەهای زیاتر لە (5.5) ملیار دۆلار. ڕاپۆرتەکانی پشکنەرانی گشتی کە سەرپەرشتی پرۆگرامەکانی پشتیوانی ئۆکراینا دەکەن لەگەڵ ئامارەکانی وەزارەتی دەرەوەی ئەمەریکا ئاماژە بۆ ئەوە دەکەن، "ئەمەریکا لە سەرەتای (2022) و چارەکی سێیەمی (2025) نزیکەی (148) ملیار دۆلاری پێشکەش بە ئۆکراینا کردووە.
ئامارەکانی وەزارەتی دەرەوەی ئەمریکا ئاشکراشی دەکەن نزیکەی (70) ملیار دۆلار تەنیا لە کڕینی چەک دابین کراوە و (54) ملیار دۆلار بۆ پاڵپشتیکردنی بودجەی ئۆکرینا تەرخانکراوە، لەوانە (20) ملیار دۆلار لە ڕێگەی بانکی جیهانییەوە بە قەرز بە ئۆکراینا دراوە لە مانگی کانوونی یەکەمی (2024)، (4) ملیار دۆلارەکەی تر وەک یارمەتی مرۆیی بۆ هاووڵاتییانی سڤیل دابینکراوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment