پەرلەمانی عێراق دەستەی سەرۆکایەتیی هەڵدەبژێرێت
نوچەنێت: باخان ڕەزا
ڕۆژی یەكشەممە (28/12/2025) ڕۆژنامەی سەباح بڵاویكردەوە، سبەی دووشەممە (29/12/2025) پەرلەمانی عێراق بۆ هەڵبژاردنی سەرۆک و دوو جێگرەکەی کۆبێتەوە. هاوکات ئەمڕۆ لایەنە سوننییەکان لە هەوڵێکی کۆتاییدا بۆ گەیشتن بە کاندیدی یەکلاکەرەوە کۆدەبنەوە. بەپێی زانیارییەکانی ئەو ڕۆژنامەیە، ململانێکان لە نێوان هەریەک لە موسەننا سامەڕائی، سەرۆکی هاوپەیمانی عەزم و محەممەد حەلبووسی، سەرۆکی حزبی تەقدوم، پێی ناوەتە قۆناغێکی هەستیارەوە و چاوەڕوان ناکرێت هیچ لایەکیان سازش بۆ ئەوی دیکە بکات.
سەبارەت بە میکانیزمی بەشداریکردن لە دانیشتنەکەی سبەینێدا، سەلاح دلێمی، ئەندامی هاوپەیمانی عەزم بە ڕۆژنامەی صباحی ڕایگەیاندووە، ئاماژەی بەهێز هەن کە ئەنجوومەنی سیاسیی نیشتمانی بە دوو کاندیدەوە بچێتە ناو دانیشتنەکەوە، ئەگەر بێت و ڕێککەوتن لەسەر یەک ناو نەکرێت.
دلێمی دووپاتی کردەوە، پۆستی سەرۆکی پەرلەمان بووەتە یەکێک لە دۆسیە پڕ مشتومڕەکان و تا ئێستا هێز و هاوپەیمانییەکان ناوی کاندیدەکانیان بۆ سەرۆکایەتییەکان یەکلایی نەکردووەتەوە، بەڵام پێشبینی دەکرێت سوننەکان بە هەردوو کاندید (سامەڕائی و حەلبووسی) بچنە ناو کێبڕکێکەوە.
لەلایەکی دیکەوە، ئاراس مەشهەدانی، ئەندامی هاوپەیمانی عەزم، ئاماژەی بەوە کرد، لە دەرەوەی چوارچێوەی ئەنجوومەنی سیاسیی نیشتمانی، هیچ کاندیدێکی سازان بوونی نییە.
مەشهەدانی ڕوونیشی کردەوە، دەرگای خۆکاندیدکردن کراوەیە بۆ هەر سەرکردەیەکی ئەنجوومەنەکە کە ئارەزووی هەبێت." ئەمەش وەک ئاماژەیەک بۆ ئەوەی کە ئەگەری بەشداریکردن بە زیاتر لە کاندیدێک لە دانیشتنەکەی سبەینێدا، ئەگەرێکی کراوە و بەهێزە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment