مەرجەكانی خۆبەربژێركردن بۆ پۆستی سەرۆک کۆماری عێراق بڵاوكرایەوە
نوچەنێت: دیاری عەلی
ئەمڕۆ چوارشەممە (31/12/2025) سەرۆکایەتیی پەرلەمانی عێراق لە راگەیێندراوێکدا بڵاویکردەوە، بە پشت بەستن بە یاسای ژمارە (8)ـی ساڵی (2012) یاسای رێکارەکانی خۆبەربژێرکردن بۆ پۆستی سەرۆککۆمار، کردنەوەی دەرگای خۆبەربژێرکردن بۆ ئەو پۆستە رادەگەیێنین، هەروەها دەشڵێت، ئەو کەسانەی دەیانەوێت خۆیان بەربژێربکەن، دەتوانن نووسراو لەگەڵ سیڤی خۆیان و بەڵگەنامە فەرمییەکان پێشکەش بە فەرمانگەی کاروباری یاسایی لەکۆشکی کۆنفرانسەکان لە بەغداد بکەن.
بە گوێرەی ڕاگەیێندراوی سەرۆكایەتیی پەرلەمانی عێراق مەرجەکانی خۆبەربژێرکردن بۆ پۆستی سەرۆک کۆمار بەمشێوەیە:
- پێویستە هاووڵاتی عێراقی بێت و لە دایک و باوکێکی عێراقی بێت.
- تەمەنی لە 40 ساڵ کەمتر نەبێت.
ـ خاوەن نێوبانگی باش، شارەزایی سیاسی، دەستپاک و دڵسۆز بێت بۆ نیشتمان.
- بەلایەنی کەمەوە بڕوانامەی زانکۆی هەبێت کە لەلایەن وەزارەتی خوێندنی باڵای عێراقەوە دانپێدانراو بێت.
- پێشینەی تاوانی نەبێت، بەتایبەت لەو تاوانانەی پەیوەستن بە شەرەفەوە.
- نابێت بە یاسای لێپرسینەوە و دادپەروەری یان هەر رێکارێکی هاوشێوە گیرابێت.
جێگەی ئاماژەپێدانە، هەیبەت حەلبووسی، سەرۆکی پەرلەمانی عێراق، دانیشتنی داهاتووی پەرلەمانی دیاریکردووە کە لە (5)ـی کانوونی دووەمی (2026) دەبێت، هاوكات پێشکەشکردنی داواکارییەکان لە ئەمڕۆوە تاوەكو ڕۆژی دووشەممەی (5)ـی کانوونی دووەمی (2026) بەردەوام دەبێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment