جێگرەوەی مادورۆ دیاری کرا و ئەمریکاش ڕەتیدەکاتەوە
نوچەنێت: باخان ڕەزا
ڕۆژی یەكشەممە (4-1-2025) دادگای باڵای ڤەنزوێلا لە بەیاننامەیەکی ڕایگەیاند، بڕیارمان داوە (دێلسی ڕۆدریگێز گۆمێز)، جێگری نیکۆلاس مادورۆ، سەرۆکی پێشووی وڵات، بۆ وەرگرتنی سەرجەم دەسەڵاتەکانی سەرۆکایەتی و بەڕێوەبردنی وڵات بە شێوەی بەوەکالەت دەستنیشان بکەن. هاوکات دادگای باڵا هۆکاری ئەم بڕیارەی بۆ دەستەبەرکردنی بەردەوامیی کارکردنی دامەزراوەکانی حکوومەت و پاراستنی بەرژەوەندییە باڵاکانی نیشتمان گەڕاندووەتەوە.
لە ڕووی یاساییەوە، بڕیارەکە پاڵپشتە بە ماددەکانی (234) و (239) لە دەستووری ڤەنزوێلا، کە بە ڕوونی دەسەڵاتی بەخشیوە بە جێگری سەرۆک بۆ ئەوەی لە حاڵەتەکانی ئامادەنەبوونی کاتی یان بۆشایی لە پۆستی سەرۆکایەتیدا، ئەرکەکانی سەرۆک و دەسەڵاتی جێبەجێکردن بگرێتە ئەستۆ.
هاوتەریب لەگەڵ دەرچوونی بڕیارەکە، دۆناڵد ترەمپ، لە لێدوانێکدا بە توندی دژایەتی خۆی بۆ ئەو هەنگاوە دەربڕی. ترەمپ ڕایگەیاند، "دێلسی ڕۆدریگێز کەسایەتییەکی نەگونجاوە و ئیدارەکەی قبووڵی ناکات ناوبراو پۆستی سەرۆکایەتی ڤەنزوێلا وەربگرێت"، ئەمە لەکاتێکدایە کە ڕۆدریگێز لەلایان وەزارەتی گەنجینەی ئەمریکاوە سزای بەسەردا سەپێنراوە.
نیکۆلاس مادورۆ مۆرۆس لەدایکبووی (1962)ـە، لە ساڵی (2013)ـەوە و دوای مردنی هوگۆ چاڤیز، سەرۆکایەتیی ئەو وڵاتەی گرتە دەست، كە بۆ ماوەیەكی زۆر لەدەسەڵات مایەوە، بەڵام وڵاتانی ڕۆژئاوا دانیان بە سەرۆكایەتیی مادۆرۆ نەناوە بە هۆی ساختەری لە هەڵبژاردنەكان. دوای دژایەتیکردنی ئەمریکا و گوێنەگرتن لە هۆشدارییەکانی دۆناڵد ترەمپ، مادورۆ بەرەبەیانی (3/1/2026) لەلایان هێزی دەلتاوە "Delta Force" دەستگیرکرا و ڕەوانەی ئەمریکا کرا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment