فەرهاد ئەتروشی: پەرلەمان سەنتەری دەرکردنی بڕیارە گرنگەکانە
نوچەنێت: مەستان سۆران
ڕۆژی دووشەممە (5/1/2025) فەرهاد ئەتروشی جێگری دووەمی سەرۆكی پەرلەمانی عێراق لەبارەی كاری داهاتووی پەرلەمان ڕایگەیاند، لە عێراق، پەرلەمان سەنتەری پرۆسەی سیاسییە و ناوەندی دەرکردنی بڕیارە گرنگەکانە، بۆیە پارێزگاریکردن لە پۆستی جێگری سەرۆکی پەرلەمان بۆ کورد زۆر گرنگە.
سەبارەت بە ناوەڕۆكی كۆبوونەوەی دەستەی نوێی پەرلەمانی عێراق، فەرهاد ئەتروشی دەڵێت، پێشنیارمان كردووە، كە دەبێت، سەرۆکایەتیی پەرلەمان تێڕوانینێکی تایبەتی بە دەسەڵاتی یاسادانان بۆ چوار ساڵی داهاتوو هەبێت، بۆ ئەوەی بەرچاوڕوونیان هەبێت لە جێبەجێ کرد یاساکان و دیاریکردنی یاسا گرنگەکان و ئەوانیش پێشوازیان لە پێشنیازەکە کرد.
جێگری دووەمی سەرۆكی پەرلەمانی عێراق زیاتر ڕوونیكردەوە و گووتی، بەبێ جێبەجێکردنی یاسا و دەستوور هەرگیز هیچ کێشەیەک چارەسەر نابێت، بۆیە دەبێت دەستوور دادوەر بێت.
جێگەی ئاماژەپێدانە ئەمڕۆ پەرلەمانی عێراق كۆبووەوە و تیایدا خشتەی کاری دووەم دانیشتنی وەرزی یەکەمی خولی شەشەمی یاسادانانی بڵاوکردەوە، كە لە سێ بڕگە پێكهاتبوو، بڕگەی ئەكەم: دەنگدان لەسەر پەیڕەوی ناوخۆی ئەنجوومەنی نوێنەران. بڕگەی دووەم: پێکهێنانی لیژنەیەک بۆ هەڵبژاردنی ئەندامانی ئەنجوومەنی نوێنەران بەگوێرەی پەیڕەوی ناوخۆی ئەنجوومەنی نوێنەران. بڕگەی سێیەم: گفتوگۆی گشتیی دەکرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment