پارتی و یەکێتی لەسەر دیاریكردنی کاندیدێكی هاوبەشی بۆ پۆستی سەرۆک کۆمار كۆدەبنەوە
نوچەنێت: باخان ڕەزا
ئەمڕۆ پێنجشەممە (8/1/2026) شاندی پارتی و یەکێتی لە مەکتەبی سیاسی یەکێتی لەهەولێر لە کۆبوونەوەدان، بەپێی زانیارییەکانی سەرچاوەیەکی تایبەت بۆ کوردستان (24)، یەکێک لە تەوەرە سەرەکییەکان کە ئێستا گفتوگۆی لەسەر دەکرێت، ڕێککەوتنی هەردوولایە لەسەر دیاریکردنی کاندیدێکی هاوبەش بۆ پۆستی سەرۆک کۆماری عێراق، کە تێیدا یەکلا دەکرێتەوە کاندیدەکە سەر بە کام لایەن بێت، هەروەها گفتوگۆ لەسەر کاراکردنەوەی پەرلەمان و پێکهێنانی کابینەی نوێی حکوومەتی هەرێم دەکەن.
پێشبینی دەکرێت ئەگەر بگەنە ڕێککەوتن لە کۆبوونەوەکەی ئەمڕۆدا، وادەیەک بۆ ڕاگەیاندنی کابینەی نوێ دیاری بکرێت، کە دواتر ئەم زنجیرە ڕێکارە یاساییانەی بەدوادادێت:
کاراکردنەوەی پەرلەمان: هەڵبژاردنی دەستەی سەرۆکایەتی پەرلەمان، خۆکاندیدکردن بۆ سەرۆکی هەرێم: کردنەوەی دەرگای خۆکاندیدکردن بۆ ماوەی 5 ڕۆژ و دواتر 3 ڕۆژ بۆ تانەدان، هەڵبژاردنی سەرۆکی هەرێم: لە ماوەی 15 ڕۆژدا ئەنجام دەدرێت، ڕاسپاردنی سەرۆک وەزیران، لەلایەن سەرۆکی هەرێمی كوردستانەوە بۆ پێکهێنانی کابینەی نوێ.
شاندی دانوستاندكاری هەردوولا پێكهاتوون لە:
شاندی پارتی: هۆشیار زێباری، پشتیوان سادق، دڵشاد شەهاب، ئومێد سەباح.
شاندی یەکێتی: قوباد تاڵەبانی، دەرباز کۆسرەت ڕەسول، د. ڕێواس فایەق، شاڵاو شێخ سەڵاح.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment