هەرێمی کوردستان بەشداری لە پێشانگای فتووری نێودەوڵەتیی دەکات
نوچەنێت: چرا یاسین
ڕۆژی یەكشەممە (1/17/2026) سیروان تۆفیق، بەڕێوەبەری بەبازاڕکردن لە دەستەی گەشتوگوزاری هەرێمی کوردستان ڕایگەیاند، لە ڕێککەوتی 21ـی کانوونی دووەمی 2026 تاوەکو 25ـی کانوونی دووەمی 2026، شاندێکی هەرێمی کوردستان "بەشداری لە پێشانگەی گەشتیاریی نێودەوڵەتیی فتوور لە مەدریدی پایتەختی ئیسپانیا دەکات". هەروەها دەشڵێت، ئەم کۆڕبەندە بە ئامادەبوونی سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان و نوێنەری کۆمپانیاکانی کوردستان و ئیسپانیا ئەنجام دەدرێت، بە ئامانجی "پەرەپێدانی پەیوەندییە گەشتیارییەکان و ڕاکێشانی گەشتیارانی بیانی بۆ هەرێمی کوردستان".
بەڕێوەبەری بەبازاڕکردن لە دەستەی گەشتوگوزاری ئەوەشی خستەڕوو کە شاندی هەرێمی کوردستان پێکهاتووە لە: دەستەی گشتیی گەشتوگوزاری حکوومەتی هەرێمی کوردستان، یەکێتیی کۆمپانیاکانی فڕۆکەوانی و گەشتیاریی کوردستان، ژمارەیەک لە کۆمپانیا گەشتیارییەکانی هەرێمی کوردستان.
پێشانگای گەشتیاریی نێودەوڵەتیی فتوور بە چوارەمین گەورەترین پێشانگەی گەشتیاری لەسەر ئاستی جیهان دادەنرێت و نوێنەری زیاتر لە 156 وڵات تێیدا بەشدارن، هەر لەو چوارچێوەیەشدا، بڕیارە لە ڕێککەوتی 26ـی کانوونی دووەمی 2026، کۆڕبەندێکی دیکەی گەشتیاریی هاوبەش لە نێوان شاندی گەشتوگوزاری کوردستان و وەزارەتی گەشتوگوزاری ئیسپانیا بەڕێوەبچێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment