ئەردۆغان لەدوای ڕێککەوتنی هەسەدە و حکومەتی سووریا پەیوەندی بە ئەحمەد شەرع دەکات
نوچەنێت
ئەمڕۆ یەکشەممە (2026/1/19) ماڵپەڕی (سی ئێن ئێن) بڵاوی کردەوە، لەدوای شەڕێکی سەختی ئەمڕۆی نێوان هێزەکانی سووریای دیموکرات و سوپای سووریا و راگەیاندی ئاگربەست و رێککەوتنی نێوان هەسەدە و حکومەتی سووریا ئەحمەد شەرع سەرۆکی سووریا پەیوەندی بە سەرۆک مەسعود بارزانی کرد، لەدوای ئەو پەیوەندییە سەرۆکایەتیی تورکیا ڕایگەیاند ڕەجەب تەیب ئەردۆغان سەرۆک کۆماری تورکیا و ئەحمەد شەرع سەرۆکی سووریا پەیوەندییەکیان ئەنجامداوە.
سەبارەت بە ناوەڕۆکی پەیوەندییەکە سەرۆکایەتیی تورکیا دەڵێت، لەو پەیوەندییە، "پەیوەندییەکانی سووریا و تورکیا و دوایین پێشهاتەکانی خاکی سووریایان تاوتوێ کردووە."، هەروەها ڕوونیشی دەکاتەوە کە ئەرۆغان دووپاتی کردۆتەوە، "یەکپارچەیی و یەکگرتوویی و هاودەنگی و سەقامگیری و ئاسایشی سووریا بۆ تورکیا گرنگە."
سەرۆکی تورکیا جەختی لەوەش کردۆتەوە، "پاکبوونەوەی خاکی سووریا لە "تیرۆر" بۆ سووریا و ناوچەکە گرنگە."، هاوکات ئەرۆغان پشتیوانی تورکیای بۆ سووریا دووپات کرۆدتەوە و بە سەرۆکی سووریا ڕاگەیاندووە، "پشتیوان و پشتگیری تورکیا بۆ سووریا و بەتایبەت لە ڕووبەڕووبوونەوەی تیرۆر و لە هەموو بوارەکاندا بەردەوام دەبێت."
جێگەی ئاماژە پێدانە، لەسەرەتای دروستبوونی گرژیی و پێکدادانەکانی نێوان سوپای سووریا و هێزەکانی سووریای دیموکرات (هەسەدە)، تورکیا پشتیوانی و ئامادەیی خۆی بۆ بەشداریکردن لە هێرشەکە رایگەیاند لەدژی هەسەدە، بەرپرسانی باڵای تورکیا داوای هەڵوەشاندنەوەی هێزەکانی هەسەدە و پابەندبوونیان بە رێککەوتنی (10)ـی ئادار دەکەن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment