ئێران وەڵامی ئەمەریكا و ئیسرائیل دەداتەوە
نوچەنێت
ڕۆژی دووشەممە (2026/1/26) ماڵپەڕی (شەفەق نیوز) بڵاویکردەوە، لە کۆنگرەیەکی ڕۆژنامەوانیدا ئیسماعیل بەقائی، گوتەبێژی وەزارەتی دەرەوەی ئێران ڕایگەیاند، "وەڵامی هەر هێرشێکی سەربازی وڵاتان دەدرێتەوە، ئەزموونیان لە ڕابردوو وەرگرتووە و وڵاتەکە لە هەموو کاتێک زیاتر ئامادەیە و پشت بە توانا ناوخۆییەکانی وڵاتەکەی دەبەستێت". بە گوتەی گوتەبێژی وەزارەتی دەرەوەی ئێران، هەڕەشەکانی ئەمەریکا و ئێران، "بێ بنەمان، ئەوان ئامانجییانە ناکۆکییەکانی ڕۆژهەڵاتی ناوەڕاست ئێران بگرێتەوە و سنووری ناکۆکی و ئاڵۆزییەکان فراوانتر بێت، بەڵام ئەوە هەنگاوێکی ئەستەمە".
بەقائی جەختی لەوەکردەوە، "ئاڵوگۆڕی پەیامی تایبەت لەلایەن وڵاتانەوە ناتوانێت جێگەی دیپلۆماسی بگرێتەوە، هەوڵی دیپلۆماسی کاریگەری زیاتر دەبێت بە مەرجێک گەرەنتی ئاسایش و سەقامگیری لەگەڵدا بێت و چارەنووسساز بێت بۆ یەکلایی کردنەوەی ناکۆکی و ئاڵۆزییەکان".
لە کۆنگرە ڕۆژنامەوانییەکەیدا گوتەبێژی وەزارەتی دەرەوەی ئێران باسی لە پەیوەندییەکانی نێوان ئێران و عێراق کرد، ڕایگەیاند، "ئاگادارن واشنتۆن نیگەرانە بە پەیوەندییەکانی نێوان ئێران و عێراق، بەڵام تەنیا عێراق مافی بڕیاردانی هەیە لە داهاتووی خۆیدا".
ئەم لێدوانانەی ئێران لە کاتێکدایە کە میدیاکانی ئیسرائیل ئاماژە بەوە دەکەن، "ئیسرائیل چاوەڕێی هێرشی سەربازی ئەمەریکا دەکات لە دژی ئێران و خۆی ئامادە دەکات بۆ تۆڵەسەندنەوەی تاران"، بەڵام ئێران هۆشداری دەدات، "لە ئەگەری هەر هێرشێکی ئەمەریکا شەڕێکی سەرتاسەری ناوچەکەی لێدەکەوێتەوە و وەڵامیان دەبێت".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment