پارتی رەفاهـ لە توركیا پشیتوانی خۆی بۆ كوردانی ڕۆژئاوا دەردەبڕێت تورکیە

نوچەنێت: ژیوار سلێمان سەلكە

گوتەبێژی پارتی سەر لە نوێی رەفاهـ تورکیا، ئاشکرای دەکات کە تێروانینی پارتەکەی سەبارەت بەکوردەکان لە سووریا هەمان تێروانینە بۆ عەرەب و تورکمانەکانی ئەو وڵاتە، هەروەها دەشڵێت، کورد لە هەر وڵاتێک بن خاوەن مافی یەکسانن.

ئەمڕۆ چوارشەمە (2026/01/28) سوعات کڵچ، گوتەبێژی پارتی سەرلەنوێ رەفاهـ، لەمیانی کۆنفرانسێکی   رۆژنامەوانییدا لە ئەنقەرە، سەبارەت بە تێروانینی پارتەکەی لە بارەی کورد ئاماژەی بەوەدا، هیچ کاتێک برا کوردەکانمان لە رۆژئاوای کوردستان بەهەمان شێوەی (پەکەکە و یەپەگە و هەسەدە و  رێکخراوە تیرۆرستییەکان ) سەیر نەکردووە و ئەوەش رەتدەکەینەوە کە لێکچوون هەبێت لە نێوانیان.

کڵچ لە درێژەی قسەکانیدا ئەوەی خستە ڕوو، کوردەکان لەهەر وڵاتێک کە تێدا دەژین خاوەن مافی یەکسانن، لە سووریا عەرەب و تورکمان لە دیدی ئێمەوە چۆن بن کوردەکانیش هەمان شتن، لە دژی هەر زیانگەیاندنێکین بەهەر تاکێکی کورد.

 جێگەی باسە پارتی سەرلەنوێی رەفاهـ لە ساڵی (2018) لەلایەن فاتیح ئەربەکان دامەزراوە، درێژەپێدەری هەمان رێبازی پارتی رەفاهەی نەجمەدین ئەرباکانی سەرۆک وەزیرانی پێشووی تورکیا لە ساڵانی (1997-1996)، لە ئێستادا ئەو پارتە خاوەنی چوار کورسین لە پەرلەمانی تورکیا.

.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین