ئێران و ئەمەریکا دەست بە دانووستاندنیان دەکەنەوە
نوچەنێت: سنوور یاسین
ڕۆژی چوارشەممە (2026/2/4) ماڵپەڕی (News 18) بڵاویکردەوە، دۆناڵد ترەمپ، سەرۆکی ئەمەریکا ڕایگەیاند، "ئەمەریکا و ئێران دەست بە دانووستاندن دەکەن و تاران ئامانجییەتی خۆی لە ڕووبەڕووبوونەوەی سەربازی و هێرشکردن بە دوور بگرێت، شێوازی دیپلۆماسی هەڵدەبژێرێت بۆ گەیشتن بە ڕێککەوتن و هێرشنەکردنە سەر وڵاتەکەی". ئێرانیش لە زاری مەسعود پزیشکیان، سەرۆک کۆماری ئەم وڵاتە ڕایگەیاند، "ئامادەی دانیشتنی ڕاستەوخۆن لەگەڵ ئەمەریکا و هەماهەنگی تەواو بۆ ئەم مەبەستە دەکەن".
بە گوێرەی ئاژانسە بەناوبانگەکان، "هەنگاونان بەرەو شێوازی دیپلۆماسی لە پەیوەندییەکانی ئێران و ئەمەریکادا گۆڕانکارییەکی بەرچاوە لە هەڵوێستی سەرۆکی ئەمەریکا لە لایەک و ئێران لە بەرامبەردا بەهۆی ئەوەی مانگی ڕابردوود جەندین جار دۆناڵد ترەمپ هۆشداری دا لە هێرشکردنە سەر ئێران و بەردەوام هەڕەشەی سەربازی دەکرد".
دۆناڵد ترەمپ ئاماژەی بۆ ئەوەش کرد، "دەبێت ئێران ڕێککەوتن بکات و بگاتە ئەنجامی کۆتایی". لە بەرامبەردا سەرکردەکانی ئێران ڕایانگەیاندووە، "ئامادەن دانووستاندنێک بکەن کە دادپەروەرانە بێت لە نێوان هەردوو وڵاتدا".
هەریەکە لە وڵاتانی تورکیا، میسر و سعودیە هەوڵەکانیان چڕکردووەتەوە بۆ ڕێگریکردن لە تەشەنەکردنی گرژی و ئاڵۆزییەکانی ئێران و ئەمەریکا، بڕیارە ئەم دوو وڵاتە لەسەر داوای ئێران ڕۆژی هەینی (2026/2/6) کۆببنەوە. ئەگەرچی بڕیاربوو چەند وڵاتێکی عەرەبی چاودێری کۆبوونەوەکە بکەن، بەڵام ئێران ئەو پێشنیارەی ڕەتکردەوە و ڕایگەیاند، "پێویستە دانووستاندنەکان بەبێ مەرجی پێشوەختە بەڕێوەبچێت و تەنیا شاندی هەردوولا بەشدار بن".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment