دیپلۆماتكارێك گرژی لە نێوان ڕووسیا و ئەڵمانیا دروست دەكات
نوچەنێت
ڕۆژی پێنجشەممە (2026/2/5) ئاژانسی (رۆیتەرز) بلاویکردەوە، وەزارەتی دەرەوەی ڕووسیا ڕایگەیاند، "دیپلۆماتکارێکی ئەڵمانی لە وڵاتەکەی دەرکردووە وەک وەڵامێک لەبەرامبەر دەرکردنی دیپلۆماتکارێکی ڕووسی کە لە مانگی کانوونی دووەمدا ئەڵمانیا دەریکرد لە وڵاتەکەی بە تۆمەتی سیخوڕیکردن لە وڵاتەکەدا". وەزارەتی دەرەوەی رووسیا ئاماژە بۆ ئەوەش دەکات، "بانگەشەکانی ئەڵمانیا کە دیپلۆماتکارە ڕووسیەکە دەستی لە سیخوڕی هەبووە ڕاست نین و هەڵبەستراون، بە هەموو شێوەیەک هەر گوتەیەکی لەم شێوەیە ڕەتدەکرێتەوە و لە ئەنجامی لێکۆڵینەوەیان هیچ تۆمەتێکی لەم شێوەیە دەرنەکەوتووە و ڕاست نەبووە".
لە بەرامبەردا وەزیری دەرەوەی ئەڵمانیا هەنگاوەکەی ڕووسیای بەبێ بنەما ناوبرد، ڕایگەیاند، "دەرکردنی دیپلۆماتکارێکی ئەڵمانی لە ڕووسیا بەهیچ شێوەیەک قبووڵکراو نییە". ڕاشیگەیاند، "پاساوەکانی ڕووسیا بۆ کردارێکی لەم شێوەیە قبووڵ نییە و وڵاتەکە هەوڵی داوە پەنا بباتە بەر ڕێوشوێنی تۆڵەسەندنەوەی نارێک و دروست لە بەرامبەر شێوازی دیپلۆماسی و بەکارهێنانی سیاسەت و گفتوگۆ".
بە گوتەی وەزیری دەرەوەی ئەڵمانیا، "دیپلۆماتکارەکە ئەندامێک بووە لە ستافی سەربازی باڵیۆزخانەی ئەڵمانیا لە مۆسکۆ، هاوکات ئەڵمانیا بە مافی خۆی دەزانێت پارێزگاری لە دیپلۆماتکاری وڵاتەکەی بکات و هەموو ڕێوشوێنێک بگرێتەبەر بە مەبەستی داکۆکیردن و لێکۆڵینەوە لێی".
ماوەی چەند هەفتەیەکە دەزگا ئەمنییەکان لە سەرانسەری ئەوروپا ئاگاداری بڵاودەکەنەوە و هۆشداری دەدەن لە،، "زیادبوونی هەڕەشەی دەزگا هەواڵگرییەکانی ڕووسیا کە ئامانجییانە ڕێگری لە هێزەکانی ڕۆژئاوا بکەن لە پشتیوانیکردنی ئۆکراینا لە بەرامبەر جەنگی ئەم وڵاتە لەگەڵ ڕووسیادا".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment