پەرلەمانی عێراق سبەی سەرۆك كۆماری عێراق هەڵنابژێرێت
نوچەنێت
ڕۆژی سێشەممە (2026/2/10) ماڵپەڕی فەرمی ئەنجوومەنی نوێنەرانی عێراق کارنامەی کۆبوونەوەی سبەی چوارشەممەی پەرلەمانی عیراقی بڵاوکردەوە، بە گوێرەی کارنامەکە، "سێ بڕگەی سەرەکی لە کۆبوونەوەکەی سبەی تاوتوێ دەکرێت و پرسی هەڵبژاردنی سەرۆک کۆماری عێراق لە کارنامەی کۆبوونەوەکەدا نییە". لە پەراوێزی ڕاگەیاندنی پرۆژەی (ئی پسوولە)ـــی حکومەتی هەرێمی کوردستان، مەسرور بارزانی، سەرۆکی حکومەتی هەرێمی کوردستان باسی لە پرسی سەرۆک کۆماری عێراق و ڕێککەوتنی نێوان یەکێتی و پارتی کرد بۆ هەڵبژاردنی بەربژێرێک لە نیوانیاندا، سەرۆکی حکومەت ڕایگەیاند، "دەربارەی پرسی سەرۆک کۆمار تاوەکو ئێستا نەگەیشتوونە ڕێککەوتن و هیچ ڕێککەوتنێک نەکراوە".
بە گوێرەی کارنامەی دانیشتنی ژمارە هەشتی ئەنجومەنی نوێنەرانی عێراق، "کۆبوونەوەکەی بەیانی کاتژمێر (11)ــی پێش نیوەڕۆ دەست پێدەکات و بڕگەی یەکەمی کۆبوونەوەکە تایبەت دەبێت بە پێداچوونەوە و بڕیاردان لەسەر ئەو تانانەی سەبارەت بە ڕاستی و دروستی ئەندامێتیی هەندێک لە پەرلەمانتاران پێشکەشکراون تاوەکو لێكۆڵینەوەی بۆ بکرێت".
هەر بە گوێرەی کارنامەکە، "بڕگەی دووەم بە ئامادەبوونی وەزیری داد، بریکاری وەزارەتی ناوخۆ بۆ کاروباری هەواڵگری، و جێگری فەرماندەی ئۆپەراسیۆنە هاوبەشەکان بەڕێوەدەچێت و گفتوگۆ لەسەر دۆسیەی ئەو زیندانیانە دەکرێت کە بۆ عێراق گوازراونەتەوە".
هاوکات لە بڕگەی سێیەمدا، "دەرگای گفتگۆکردن کراوە دەبێت بۆ پەرلەمانتاران لەسەر بابەتە جیاجیاکان و هەر پرسێکی ئامانجییانە باسی لێوە بکەن".
سەرۆک کۆماری عێراق پشکی کوردە و تاوەکو ئێستا لایەنە کوردستانییەکان بە تایبەتی دوو پارتە سەرەکییەکەی کوردستان کە یەکێتی و پارتین نەگەیشتوونەتە ڕێککەوتن بۆ دەستنیشانکردنی بەربژێرێک لە نێوانیاندا.پەرلەمانی عێراق کۆدەبێتەوە
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment