جەنگ سەرجەم شارەكانی ئیرانی گرتۆتەوە
نوچەنێت
ڕۆژی شەممە (2026/3/7) ماڵپەڕی (ئێم ئێس ئێن) بڵاویکردەوە، دۆناڵد ترەمپ، سەرۆکی ئەمریکا ڕایگەیاند، "بەهۆی هەڵسوکەوتە خراپەکانی ئێران ئەمڕۆ زۆر بە تووندی لێیدەدرێت و لەژێر پێداچوونەوەدان بۆ وێرانکردنی تەواو و کۆتایی هێنان بەم وڵاتە و ڕووخاندنی". ترەمۆ دەشڵێت، "ئێران هەوڵیدەدا کۆنترۆڵی ڕۆژهەڵاتی ناوەڕاست بکات و حوکمڕانی بکات، بەڵام چیتر هەژموونی لە ڕۆژهەڵاتی ناوەڕاستدا نامێنێت و ئەم وڵاتە لە ڕۆژهەڵاتی ناوەڕاستدا تەنیا دۆڕاوێك دەبێت بۆ چەندین دەیەی داهاتوو دۆڕاو دەبێت لە ئەگەری خۆ رادەست نەکردن یان بە ئەگەری زیاتر".
لە لایەکی ترەوە هەر ئەمڕۆ چەندین بنکەی سەربازی و ئەمنی لە ناو شاری ئیسفەهان بە ئامانج گیران و تاران لەژێر بۆردوومانێکی چڕدایە لە هەموو لایەکی پایتەختەوە هێرش هەیە. سوپای پاسدارانی ئێران رایگەیاند، "شەپۆلی (25)ــی هێرشەکانیان لە چوارچێوەی ئۆپراسیۆنی "بەڵێنی راستەقینە 4" ئەنجامداوە لە رێگەی هەڵمەتێکی فراوانی مووشەکی و فڕۆکەی بێفڕۆکەوانەوە، چەندین بنکەی سەربازی و ناوەندی پاڵپشتیی ئەمریکی و ئیسرائیلییان کردووەتە ئامانج.
سوپای پاسداران وردەکاریی زیاتر لەبارەی چەکی بەکارهاتوو لە هێرشەکاندا ئاشکرا دەکات و دەڵێت، "ئەم ئۆپراسیۆنە بنکە سەربازییەکان و ناوەندەکانی پاڵپشتیی سەربازیی ئەمریکی-ئیسرائیلی کردووەتە ئامانج".
جەنگی هاوبەشی ئیسرائیل و ئەمریکا بەرامبەر بە ئێران زیاتر لە هەفتەیەکە بەردەوامە، ئیسرائیل و ئەمریکا بەردەوامن لە هێرشە جیاوازەکان و بە ئامانج گرتنی بەرپرسان و پێگە چارەنووسسازەکانی ئێران، سەرۆکی ئەمریکا هەڕەشە دەکات و سوپای پاسداران بەردەوامە لە وەڵامدانەوەی هێرشەکانی هەردوو وڵات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment