ئەنجوومەنی ئەوروپا: نابێت ئێران ببێتە خاوەنی چەکی ئەتۆمی
نوچە نێت
ئەمڕۆ هەینی (20/3/2026) ئەنجوومەنی ئاسایشی ئەوروپا ڕایگەیاند، پێشهاتەکانی ئێران هەڕەشەن بۆ سەر ئاسایشی جیهان بۆیە داوای ئەوپەڕی دانبەخۆداگرتن لە خەڵکی سڤیل و لە هەموو لایەنە سیاسییەکانی ناوچەکە دەکەین هێرشکردنە سەر وێستگەکانی ئاو و وزە (کارەبا و نەوت) ڕابگرن، لە کۆبوونەوەی ئاسایی ئەنجوومەنی ئەوروپاشدا سەرکردەکانی جیهان بە گشتی و ئەوروپا بە تایبەتی نیگەرانیی خۆیان بۆ لەدەستدانی گیانی خەڵکی سڤیل دەربڕی و بە تووندی سەرکۆنەی هێرشەکانی ئێرانیان بۆ سەر وڵاتانی ناوچەکە کرد و داوای ڕاستەوخۆشیان لە تاران و گروپەکانی سەر بە ئێران کرد دەستبەجێ هێرشەکان ڕابگرن و رێز لە سەروەریی وڵاتان و بڕیارنامەی (2817)ی ئەنجوومەنی ئاسایشی ئەوروپا بگرن.
بە گوێرەی ڕاگەیێندراوەکەی ئەنجوومەنی ئاسایش، ئەوروپا خۆشحاڵە بە ئامادەیی "ئۆکڕانیا" بۆ بەرپەرچدانەوەی هێرشەکانی ئێران، بە دابینکردنی شارەزایی و سیستمی بەرگریی ئاسمانی و دژە درۆن بۆ وڵاتانی کەنداو. هەروەها هێرشەکانی ئێرانی بۆ سەر کەشتییەکانی گەرووی هورمز سەرکۆنە کرد و جەختی لە "ئازادیی کەشتیوانی جیهانی" کردەوە و بە تووندیش ڕایگەیاند کە نابێت هەرگیز ڕێگە بدرێت ئێران ببێتە خاوەنی چەکی ئەتۆمی و دەبێت ئەو وڵاتە بۆ هاوکاریی ئاژانسی نێودەوڵەتیی وزەی ئەتۆمی بگەڕێتەوە. بە زووترین کاتیش کۆتایی بە سەرکوتکردنی گەلەکەی بهێنێت و رێز لە مافەکانی مرۆڤ و ئازادییە بنەڕەتییەکانیان بگرێت.
لای خۆیەوە ئەنجوومەنی ئاسایشی ئەوروپا داوای لە حیزبوڵڵای لوبنان کرد دەستبەجێ چەک دابنێت و سوپاسی حکومەتی لوبنانیشی کرد بۆ بڕیاری قەدەغەکردنی چالاکییە سەربازییەکانی حیزبوڵڵا. هیواشی خواست ئیسڕائیل هەر جۆرە هەڵکشانێکی زیاتری ئاسمانی یان وشکانی لە لوبنان ڕابگرێت و رێز لە سەروەریی ئەو وڵاتە بگرێت تاوەکو خەڵکی زیاتر ئاوارە نەبن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment