جەنگەكانی جیهان تێچووی وڵاتانی بەرزكردۆتەوە
نوچە نێت:
ئەمڕۆ دووشەممە (27/4/2026) پەیمانگەی ستۆکهۆڵم بۆ توێژینەوەی ئاشتیی نێودەوڵەتی (SIPRI) ڕاپۆرتێکی لەبارەی خەرجییە سەربازییەکان بڵاوکردەوە، کە تێیدا دەرکەوتووە، بەراورد بە ساڵی (2024)، خەرجییە سەربازییەکانی جیهان (2.9%) بەرزبوونەتەوە. ئەمە وێڕای ئەوەی لە ساڵی (2025)، ئەمریکا کە لەسەر ئاستی جیهان گەورەترین بودجەی بەرگریی هەیە، خەرجییە سەربازییەکانی کەم کردبووەوە، بەڵام هێشتا زیادبوونی خەرجییەکانی ئەورووپا و ئاسیا، شوێنی کەمکردنەوەکەی ئەمریکای پڕکردووەتەوە، چونکە جیهان ساڵێکی دیکەی پڕ لە جەنگ و زیادبوونی گرژییەکانی بەڕێکرد، لەبەر ئەوە ئەم جەنگە بووەتە بارگرانییەکی سەربازی بۆ جیهان و ئەو بەشەشی کە تێکڕای بەرهەمی نێوخۆیی جیهان (GDP) بۆ خەرجییە سەربازییەکان تەرخانکراوە، گەیشتووەتە بەرزترین ئاست لە دوای ساڵی (2009)ەوە.
بە گوێرەی زانیارییەکان وڵاتی ئەمەریکا (954) ملیار دۆلاری خەرجکردووە، کە (7.5%) کەمترە لە ساڵی (2024)، هۆکاری سەرەکیی ئەمەش بۆ ئەوە دەگەڕێتەوە کە هیچ هاوکارییەکی نوێی سەربازی و دارایی بۆ ئۆکراینا پەسند نەکرا، بۆیە هۆکاری سەرەکیی بەرزبوونەوەی خەرجییەکان لەسەر ئاستی جیهان ئەورووپا بوو، چونکە خەرجییەکان (14%) بەرزبوونەتەوە و گەیشتنە (864) ملیار دۆلار. بەهۆی بەردەوامی جەنگیشەوە خەرجییەکانی رووسیا (5.9%) بەرزبووەتەوە و گەیشتووەتە (190) ملیار دۆلار، کە دەکاتە (7.5%)ی تێکڕای بەرهەمی نێوخۆیی، هەروەها ئۆکراینا خەرجییەکانی (20%) زیادکردووە و گەیاندوونیەتە (84) ملیار و (100) ملیۆن دۆلار، کە رێژەیەکی سەرسوڕهێنەرە و دەکاتە (40%)ی تێکڕای بەرهەمی نێوخۆیی ئەو وڵاتە.
هاوکات سەرەڕای بەردەوامی گرژییەکان لە ڕۆژهەڵاتی ناوەڕاست لە ئێران، خەرجییەکان (5.6%) دابەزین و گەیشتوونەتە (7) ملیار و (400) ملیۆن دۆلار، هەروەها خەرجییەکانی ئیسرائیل بە ڕێژەی (4.9%) بۆ (48) ملیار و (300) ملیۆن دۆلار کەمی کردووە، بەڵام وڵاتی ژاپۆن خەرجیی سەربازیی بە ڕێژەی (9.7%) بەرزکردەوە و لە ساڵی (2025)دا گەیاندیە (62) ملیار و (200) ملیۆن دۆلار، کە دەکاتە (1.4%)ی تێکڕای بەرهەمی نێوخۆیی.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment