سەرۆک نێچیرڤان بارزانی لەگەڵ سەرۆکی ئەنجومەنی نوێنەران کۆبووەوە
نوچەنێت
دووشەممە (2026/5/4) سەرۆک نێچیرڤان بارزانی، سەرۆکی هەرێمی کوردستان، لە درێژەی دیدارەکانیدا لە بەغدا، لەگەڵ هەیبەت حەلبووسی، سەرۆکی ئەنجومەنی نوێنەران کۆبووەوە.
بەگوێرەی ڕاگەیێندراوی سەرۆکایەتیی هەرێمی کوردستان، لە کۆبوونەوەکەدا، "بارودۆخی سیاسی و یاساییی وڵات و ڕۆڵی دامەزراوەی ياسادانان لە پشتیوانیکردنی سەقامگیری تاوتوێ کران". هەروەها هەردوولا جەختیان لە، "گرنگیی لێکگەیشتنی نێوان هێزە سیاسییەکان و هەماهەنگیی نێوان هەولێر و بەغدا کردەوە بۆ تێپەڕاندنی ئاستەنگەکان، بە شێوەیەک کە خزمەت بە بەرژەوەندیی گشتیی وڵات بکات".
لە ڕاگەیێندراوەکەدا هاتووە، هەردوولا هاوڕا بوون کە، "پێویستە قۆناغی داهاتوو لەسەر بنەمای هاوبەشیی ڕاستەقینە بێت و کارکردن بۆ پەسەندکردنی ئەو یاسایانەی ڕەهەندی نیشتمانییان هەیە و مافە دەستوورییەکانی هەموو پێکهاتەکان دەپارێزن، لە پێشینەی کارەکانی پەرلەمان و حکومەتدا بێت".
هەر لەم بارەیەوە، جەخت لە پێویستیی یەکخستنی دیدگاکان کرایەوە بۆ چارەسەرکردنی کێشە هەڵپەسێردراوەکان لەسەر بنەمای دەستوور و پاراستنی مافی هاووڵاتییان.
لە کۆتایی ڕاگەیێندراوەکەی سەرۆکایەتیی هەرێمی کوردستان دا هاتووە، دۆخی ناوچەکە و لێكهوتهكانى، تەوەرێکی دیکەی دیدارەکە بوو. کە تیایدا جەخت لە پاراستنی ئارامى و سهقامگيرى و بەرژەوەندییە باڵاکانی عێراق و تێوهنهگلانى له ئاڵۆزييهكان، کرایەوە.
جێگەی ئاماژەپێدانە، سەرۆک نێچیرڤان بارزانی، سەرۆکی هەرێمی کوردسیان ماوەی دوو ڕۆژە بۆ مەبەستی گفتوگۆکردن لەبارەی پڕۆسەی سیاسیی و پێکهێنانی حکومەتی نوێی عێراقی فیدراڵی لە بەغدایە و لەگەڵ زۆربەی سەرۆک و سەرکردە و پێکهاتەکانی عێراق کۆبووەتەوە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment