موقتەدا سەدر داوا دەکات گرووپە چەکدارەکان بچنە ژێر دەسەڵاتى حکومەت
نوچەنێت
ئەمرۆ هەینى (2026/5/8) موقتەدا سەدر، سەرۆکى رەوتى سەدر لە لاپەڕەى خۆى لە فەیسبووک پەیامێکى بڵاوکردەوە، لە خاڵى یەکەم دەڵێت، وەک چۆن لە چەندین ساڵی رابردوودا جەختمان سەر کردووەتەوە، پێویستە حکومەتی داهاتوو گرووپە چەکدارەکان بە جیاوازی ئاراستەکانیانەوە بۆ پێکهاتەیەک بەناوی (سەربازانی رێوڕەسمە ئاینییەکان) لەژێر دەسەڵاتی دەستەی حەج و عومرەدا بگۆڕێت، یان بۆ پێکهاتەیەکی مرۆیی بۆ فریاگوزاری و هاوکارییە مرۆییەکان بیانگۆڕێت. هەرکەسێکیش لەوانە رەتیبکاتەوە، ئەوا بە دەرچوو لە یاسا هەژمار دەکرێت، ئەگەر ئەمەشیان کرد، ئەوا من ئامادەم پێکهاتەی (لیوای یەومی مەوعود) هەڵبوەشێنمەوە و (سەرایا سەلام) رادەستی فەرماندەی گشتی هێزە چەکدارەکان بکەم، هەروەکو چۆن پێویستە هەمووان لە زووترین کاتدا ئەمە بکەن.
سەدر لە خاڵى دووەم ئاماژە بەوە دەکات، پشتنەبەستن بە (تێکەڵەی عەتار) بۆ پێکهێنانی کابینەی وەزاری و هەر لایەنێک کە باڵێکی چەکداری هەیە لە حکومەت دوور بخرێتەوە، پێکهێنانی حکومەتێک بێت داواکارییەکانی گەل جێبەجێ بکات.
لە خاڵى سێیەمى پەیامەکەى سەرۆکى رەوتى سەدر هاتووە، پێویستە کارى بەردەوام و ڕاستەقینە لەپێناو سەربەخۆیی عێراق و دوورخستنەوەى هەموو دەستوەردانە دەرەکییەکان بکرێت، بەشێوەیەک بێت (نە ڕۆژهەڵاتی بێت و نە ڕۆژئاوایی)، دواتریش لە خاڵى چوارەمدا باس لەوە دەکات، کە دەستبەجێ کار بۆ بنەبڕکردنی گەندەڵی بکرێت کە ماوەکەى لە نەوەد ڕۆژ تێپەڕ نەکات، بەو مەرجەی دەستپێکەکە بە (مامەڵەی سەدە) و تاوانبارەکانی و هەموو لێکەوتەکانی بێت.
موقتەدا سەدر جەخت لەسەر بەهێزکردنی پەیوەندییە دەرەکییەکان دەکاتەوە، کە لە چوارچێوەیەکدا بێت شکۆمەندی بە عێراق ببەخشێ و بەڕووی وڵاتانی عەرەبی و ئیسلامی و نێودەوڵەتیدا کراوە بێت، بێ هیچ دەستوەردانێک لەلایەن هیچ لایەنێکەوە و دەستدرێژی نەکردنە سەر هیچ کەسێک، چونکە ئەمە سەربەرزییە بۆ عێراق و ئایین و مەزهەب، هەروەک بۆ ئەو گەلەش سەربەرزییە کە بە ئاگری جەنگەکان سووتاوە.
لەکۆتایی پەیامەکەى دەڵێت، ڕازی نابین هیچ تاکێکی ڕەوتی شیعەی نیشتمانی لەناو کابینەی وەزاریدا بێت، هیچ وەزیرێک لەوان نوێنەرایەتی ئێمە ناکات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment