بەفەرمی ئەمەریکا و ئێران هێرشەکانیان دووبارە دەستپێکردەوە
نوچە نێت:
ڕۆژی دووشەممە (2026/6/1) ماڵپەڕی (سی ئێن ئێن) بڵاوی کردەوە، هێرشەکانی نێوان ئەمەریکا و ئێران دووبارە دەستیپێکردەوە، بەگوێرەی دوایین زانیاری، لەکاتێکدا دانوستاندنەکانی واشنتن و تاران بەردەوامە، فەرماندەی ناوەندنی ئەمەریکا "سێنتکۆم" چەند پێگەیەکی لە دوورگەی سیریک لە باشووری ئێران کردە ئامانج. هاوکات سوپای پاسداران دەڵێت، هێرشێکمان بۆ سەر بنکە سەربازییەکانی ئەمەریکا لە کوێت ئەنجامدا.
دەستپێکردنەوەی هێرشەکان لەنێوان هەردوو وڵات سەرلەنوێ گرژییەکانی لە ڕۆژهەڵاتی ناوەڕاستدا زیندوو کردەوە، لە هێرشەکانی (28)ـی شوباتی ئەم ساڵ تاوەکو ئێستا سوپای پاسداران (20) دامەزراوەی ئەمەریکای لە وڵاتانی کەندا و بەئامانج گرتووە.
لەگەڵ دەستپێکردنەوەی ئەو هێرشە نوێیە دۆناڵد ترەمپ سەرۆکی ئەمەریکا لە پۆستێکدا بێ ئەوەی باس لەو هێرشە نوێیە بکات ڕایگەیاند، "ئێران بەڕاستی دەیەوێت ڕێککەوتنێک بکەین، وە ئەم ڕێککەوتنە سوودی دەبێت هەم بۆ ئەمەریکا و هەم بۆ ئەوانەی لەگەڵ ئێمە دەیانەوێت جوولە بکەن."
لەلایەکی دیکە سەرۆکی ئەمریکا هەواڵێکی (سی ئێن ئێن) ڕەتدەکاتەوە کە بڵاویکردۆتەوە و تیایدا ئاماژە بەوە کراوە کە لە ڕەشنووسی ڕێککەوتنی ئەمەریکا و ئێران بە هیچ شێوەیەک باس لە پرسی بەرنامە ئەتۆمییەکانی تاران نەکراوە. رەمپ لە پۆستێکیدا ئەو دەنگۆیانە ڕەتدەکاتەوە و ڕایگەیاندووە، لە ناوەڕۆکی ڕێککەوتنەکە زۆر بە وردی تیشک خراوەتە سەر پرسە ئەتۆمییەکان و ئێران بەهیچ شێوەیەک نابێتە خاوەنی چەکی ئەتۆمی.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment