هاوپەیمانى ناتۆ جەخت لەسەر یەکڕیزی و یەکدەنگى ناوخۆیى دەکاتەوە
نوچەنێت
وەرگێرانى: ژیوار سلێمان سەلکە
دواى تەواوبوونى کۆبوونەوەى لووتکەى ناتۆ لە رۆژانى ( 7 و 2026/7/8) لە ئەنقەرە، لە راگەیێندراوى کۆتاییدا، جەخت لەسەر بەهێزکردنەوەى ریزەکانى خۆى دەکاتەوە، ئامادەییش بۆ بەرەنگاربوونەوەى رووسیا لە دژى ئۆکراینا دەردەبڕێت.
لە خاڵى یەکەم راگەیێندراوەکە هاتووە، ئێمە، سەرۆکی وڵاتان و حکومەتەکانی هاوپەیمانی ناتۆ بۆ جەختکردنەوە لەسەر پابەندیمان بۆ بەرگری بەکۆمەڵمان لەسەر بنەمای ماددەی پێنجەمی پەیماننامەی واشنتۆن لە ئەنقەرە کۆبووینەوە، کە بریتیە لە هێرشەکردن بۆ سەر یەکێک لە وڵاتانى ئەندام، هێرشەکردنە بۆ سەر هەمووان، یەکڕیزی و یەکدەنگی و هێزی پێکەوەبوونمان وەک بنەمایەک بۆ ئاشتی و سەقامگیری و خۆشگوزەرانی بۆ یەک ملیۆن هاوڵاتی هاوپەیمانی گەلانی ئازاد و دیموکراسی دەمێنێتەوە، ئێمە پابەند دەبین بە ڕێبازی (360) پلەیی بۆ ڕێگریکردن و بەرگریکردن.
هاوپەیمانى ناتۆ لە خاڵى دووەم دەڵێت، بۆ بەرەنگاربوونەوەی ئەو مەترسیە درێژخایەنەی کە ڕووسیا لەسەر ئەوروپا و ناتۆ دروستی دەکات و هەروەها بەردەوامی هەڕەشەی تیرۆر، هاوپەیمانان پابەندن بە بەرگری لاهای جێبەجێ دەکەن، کە لەساڵی (2025) هاوپەیمانان و کەنەدا، بە بڕی زیاتر لە (139) ملیار دۆلار وەبەرهێنان لە پێداویستیەکانی بەرگریان زیادکردووە، چونکە وەبەرهێنەرەکانمان ئەو توانایانە دەستەبەر دەکەن کە پێویستمانە، لەهەمانکاتیشدا بنەماى پیشەسازیی و خۆڕاگریمان بەهێزدەکەن، ئەمڕۆ لە ئەنقەرە بەبڕی زیاتر لە (50) ملیار دۆلار بۆ دابینکردنی نوێ لە پابەندبوونمان بە فراوانکردنی توانای بەرهەمهێنانی بەکۆمەڵ و کارکردن لەگەڵ پیشەسازی بۆ خێراکردنی داهێنان ڕایدەگەینن، ئێمە لە کارەکانمان بۆ نەهێشتنی بەربەستەکانی بازرگانی بەرگریی لە نێوان هاوپەیمانان و بەکارهێنانی هاوبەشییەکانی ناتۆ بۆ بەرزترین ئاستی پیشەسازی بەرگری و هاوکاری بەردەوام دەبین.
سەربارەت بە دۆخى ناوخۆش جەخت لەسەر ئەوە دەکاتەوە، ئێمە داهاتوو بنیاتدەنێین: ئەوروپایەکی بەهێزتر لەناو ناتۆیەکی بەهێزتردا - هاوپەیمانییەکی نوێ و مۆدێرنکراو.هاوپەیمانانی ئەوروپا و کەندا لەگەل ئەمریکا کاردەکەن، بەرپرسیارییەتییەکی گەورەتر لە بەرگری هاوپەیمانان دەگرنەئەستۆ، ڕێگریکردن و بەرگیرکردنی ناتۆ بەندە بە تواناکانی بەرگری ئەتۆمی و ئاسای و مووشەکی کە ژێرخان و سامانی بۆشایی ئەلیکترۆنی دادەنرێت، ئێمە پابەندین بە بە پاراستنی سوودی شەڕکردنمان، هەروەک بۆ جێگیرکردن و کاراکردن و بەردەوامکردنی هێزە چەکدارەکانمان و گەیاندنی ئامانجەکانی تواناکانمان لە هەموو بوارەکاندا وەبەرهێنان لە تواناکانمان دەکەین، لەوانە وەبەرهێنان لە لێدانی ورد و بەهێز، بەرگری ئاسمانی و مووشەک، سیستەمی بێ تیم، تەکنەلۆژیای پێشکەوتوو، هەروەک ژێرخانێکی دیجیتاڵی هاوبەش بۆ بەڕێوەبردنی چالاکییە سەربازییەکانى نێوان هاوپەیمانانی ناتۆ پەرەپێدەدەین، لەگەڵ ئەوەشدا مۆدێلە بەهێزەکانی زیرەکی دەستکرد (AI) بەکاردەهێنین.
خاڵى چوارەم تایبەتە بە دۆخى ئۆکراینا، کە ئاماژە بەوە دەکات، ئۆکرانیا یەکێکە لە وڵاتانی بەشداربووى ئاسایشی ناتۆیە، هاوپەیمانان بەیەکگرتووی لە پشتیوانی ئۆکرانیا لە بەرگریکردن لە ئازادی و سەروەری و یەکپارچەیی خاکەکەی بەردەوامن، ئێستادا هاوپەیمانانی ئەوروپا و کەنەدا زۆرینەی ڕەهای هاوکارییە ئەمنییەکان بۆ ئۆکرانیا لە ڕێگەی ڕێگەی دوولایەنە و فرەلایەنەوە دابین دەکەن. هاوپەیمانان جەخت لەوە دەکەنەوە کە ئەم پشتیوانییە دەبێت دادپەروەرانە و پێشبینیکراو و بەردەوام بێت بۆ ماوەیەکی درێژخایەن، بۆ ساڵی (2026) هاوپەیمانان بەڵێنی دابینکردنی ئامێری سەربازیی و هاوکاریی و ڕاهێنان بۆ ئۆکرانیا بە بڕی (70) ملیار یۆرۆ دەدەن، هەروەها بەردەوامن لە پابەندبوونی خۆیان بۆ ساڵی (2027)، بۆ ئەم مەبەستەش پێشوازی لە بڕیارەکەی یەکێتی ئەوروپا دەکەین بۆ دابینکردنی بودجەی چەند ساڵە بۆ ئۆکرانیا لە ڕێگەی قەرزی پشتیوانی ئۆکرانیا.
راگەیێندراوەکەى ناتۆ خاڵى کۆتایی تایبەتکردووە، بە هەڕەشکەان و دەڵێت، وڵاتانى هاوپەیمان لە وەڵامدانەوە و گونجاندن لە گەڵ کێبرکێ ستراتیژییەکان و ناسەقامگیرییەکان بەردەوامن، هەڕەشە تێکەڵەکان و شۆکە دووبارەبووەکان لە ژینگەی ئەمنی فراوان پێناسە دەکەن، هاوپەیمانان دووپاتی دەکەنەوە کە ئێران هەرگیز نابێت خاوەن چەکی ئەتۆمی بێت و داوا لە ئێران دەکەن کە بە تەواوی ڕێز لە ئازادی کەشتیوانی لە گەرووی هورمز بگرێت.
لە کۆتاییشدا هاتووە، پێزانینی خۆمان بۆ ئەو میواندارییە جوانە دەردەبڕین کە تورکیا بۆی کردین. ئێمە بەوپەڕی خۆشحاڵییەوە چاوەڕێی داهاتوومان دەکەین.
سەرچاوە: ماڵپەری فەرمی ناتۆ
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment