ئەمەریکا مووچەی بەشێک لە سەربازەکانی بۆ بەرزترین ئاست بەرزکردەوە
نوچە نێت:
ئەمڕۆ یەکشەممە (4/10/2026) شۆن پارنێڵ، گووتەبێژی وەزارەتی جەنگی ویلایەتە یەکگرتووەکانی ئەمەریکا (پێنتاگۆن) ڕایگەیاند، بڕی ئەو دەرماڵە داراییەی زیاددەکرێت کە سەربازانی ئەمەریکی لە ناوچەکانی پێکدادان و بەرەکانی جەنگدا وەریدەگرن، ئەمەش هاوکاتە لەگەڵ بەردەوامیی ئاڵۆزییە سەربازییەکان لەگەڵ ئێران. ئیستا بڕیارەکە چووەتە بواری جێبەجێکردنەوە و بەپێی ڕێکارە نوێیەکان، دەرماڵەی بەرکەوتن بە تەقەی دوژمن بۆ ئەو سەربازانەی ڕاستەوخۆ ڕووبەڕووی تەقە دەبنەوە، بۆ بەرزترین ئاست کە مانگانە (450) دۆلارە بەرزکرایەوە.
گووتەبێژی پێنتاگۆن گووتیشی، لەگەڵ ئەم بەرزکردنەوەی دەرماڵەیە، هاوکات دەرماڵەی مەترسیی تاکەکەسی بۆ ئەو سەربازانەی لە ناوچەکانی پێکدادانیشدا خزمەت دەکەن، بۆ (275) دۆلاری مانگانە زیاد کرا؛ لە کاتێکدا پێشتر بەرزترین ئاست بۆ هەردوو دەرماڵەکە (225) دۆلار بوو لە مانگێکدا، ئەم بڕیارە هاوکاتە لەگەڵ خۆلادانی ئیدارەی دۆناڵد ترەمپ لە بەکارهێنانی دەستەواژەی جەنگ بۆ ئۆپەراسیۆنە سەربازییە بەردەوامەکانی دژی ئێران؛ ترەمپ لەبارەی جەنگەکەوە گووتبووی، کە شتێکی ئەوتۆ و گەورە نییە سەرەڕای ئەوەی هێرشە پچڕپچڕەکان بەردەوامن و لە هەندێک حاڵەتدا برینداربوونی سەربازانی ئەمەریکیی لێکەوتووەتەوە.
بەگوێرەی ئامارە فەرمییەکانی وەزارەتی بەرگریی ئەمەریکا، لە دوای ئەوەی ئیدارەی ترەمپ بە هاوبەشی لەگەڵ ئیسرائیل لە (28)ی شوباتەوە جەنگی ئێرانیان دەستپێکرد، (19) سەربازی ئەمریکی کوژراون و زیاتر لە (860) سەربازی دیکەش بریندار بوون. بەڵام ئەوکاتە بەرپرسانی ئەمەریکی بە ڕۆژنامەی واشنتن پۆستیان ڕاگەیاند، ژمارەی ڕاستەقینەی ئەو سەربازانەی لەوکاتەوە لە ڕۆژهەڵاتی ناوەڕاست گیانیان لەدەستداوە لانیکەم (22) سەربازە، هەرچەندە ڕەنگە هەموو گیانلەدەستدانەکان ڕاستەوخۆ بەهۆی شەڕ و پێکدادانەوە نەبووبن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment