بڕیارده‌رى لیژنه‌ى دارایى په‌رله‌مان: له‌وانه‌یه‌ مووچه‌ له‌ به‌ر هۆكارى ته‌كنیكى دوا بكه‌وێت کوردستان- عێراق

لاڤین عومه‌ر، تایبه‌ت به‌ نوچه‌نێت

دوو رۆژى ماوه‌ بۆ واده‌ى دابه‌شكردنى مووچه‌ كه‌چى تا ئێستا وه‌زاره‌تى دارایى حكومه‌تى هه‌رێمى كوردستان هیچ خشته‌یه‌كى بڵاونه‌كردووه‌ته‌وه‌، محه‌مه‌د سه‌عده‌دین بڕیارده‌رى لیژنه‌ى دارایى په‌رله‌مانى كوردستان له‌ لێدوانێكى بۆ نوچه‌نێت به‌ دوورى نازانێ دابه‌شكردنى مووچه‌ دوا بكه‌وێت وده‌ڵێ، "دواكه‌وتنه‌كه‌ به‌ هۆكارى ته‌كنیكى ده‌بێت".

ئه‌مڕۆ یه‌كشه‌ممه‌ 23ى ئایار محه‌مه‌د سه‌عده‌دین بڕیارده‌رى لیژنه‌ى دارایى په‌رله‌مانى كوردستان له‌ لێدوانێكى بۆ "نوچه‌نێت" گوتى "به‌گوێره‌ى ئه‌و پلانه‌ى حكومه‌ت دایناوه‌ مانگه‌ له‌ 25ى مانگ مووچه‌ دابه‌ش ده‌كرێت، به‌ڵام به‌هۆى ئه‌وه‌ى حكومه‌تى هه‌رێم له‌گه‌ڵ به‌غدا له‌سه‌ر هێڵه‌ بۆئه‌وه‌ى به‌شه‌ بودجه‌ى هه‌رێمى كوردستان بنێرێت. بۆیه‌ حكومه‌تى هه‌رێمى كوردستان چاوه‌ڕێ ده‌كات بۆئه‌وه‌ى بزانێت به‌ شێوه‌ى مانگه‌كانى رابردوو مووچه‌ دابه‌ش بكات یان نا".

سه‌باره‌ت به‌وه‌ى له‌ لێدوانه‌كه‌ى وا ده‌رده‌كه‌وێ كه‌ دابه‌شكردنى مووچه‌ دوا ده‌كه‌وێ، محه‌مه‌د سه‌عده‌دین گوتى، "هه‌موو مانگێك مووچه‌ ده‌درێت، به‌ڵام ئه‌گه‌ر ئه‌و مانگه‌ دوا بكه‌وێت ئه‌وا هۆكاره‌كه‌ى ته‌كنیكى ده‌بێت".

سه‌باره‌ت به‌وه‌ى پێشبینى ده‌كرێت رێژه‌ى لێبڕینى مووچه‌ى ئه‌م مانگه‌ چه‌ند بێت، ئه‌و په‌رله‌مانتاره‌ دووپاتى كرده‌وه‌ ئه‌وه‌یش له‌سه‌ر به‌شه‌ بودجه‌ى هه‌رێمى كوردستان له‌ عێراق ده‌وه‌ستێ، "ئه‌گه‌ر ره‌وانه‌ بكرێت ئه‌وا پێویست به‌ لێبڕینى مووچه‌ نابێت"

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین