ناتۆ لە هەڵپەکانی چین و هەڕەشەکانی رووسیا نیگه‌رانه‌ عێراق ناوچەکە و جیهان

نوچه‌نێت

سەرانی هاوپەیمانی باکووری ئەتڵەسی (ناتۆ) لە لووتکەی ساڵانەی خۆیاندا لە برۆکسل، نیگەرانی خۆیان دەربڕی لە بەرامبەر هەڵپە روون و ئاشکراکانی چین و هەڕەشە ڕوو لە زیادبووه‌کانی رووسیا.

سەرانی ناتۆ لە بەیاننامەی کۆتایی لووتکەکەیاندا دەڵێن، "هەڵپە ئاشکراکانى چین و هەڵسوکەوتەکانی لەو بارەیەوە، دەبێتە ئاڵنگاری بۆ بنەماکانی سیستمی نێودەوڵەتی" هەر وەک نیگەرانن لە سیاسەتە سەرکوتکارییەکانی پەکین.

جیا له‌ چین، نیگەرانیشن لە کۆکردنەوە و زیادکردنی هێزی سەربازیی رووسیا و چالاکییە هەراسانکەرەکانی، بە تایبەت لەنزیک سنوورەکانی وڵاتانی ئه‌ندام له‌ هاوپەیمانی باکووری ئەتڵەسی.

وڵاتانی ناتۆ هۆشداری دەدەن تاکو رووسیا وەها پیشان نەدات کە رێز له‌ یاسای نێودەوڵەتی دەگرێت و پابەندبوون و بەرپرسیارێتییە نیودەوڵەتییەکانی جێبەجێدەکات، دۆخەکە ئاسایی نابێتەوە.

وڵاتانی ناتۆ بڕیاری پێداچوونەوەشیان داوە بە چەمکی ستراتیجیەتی رێکخراوەکە کە ساڵی ٢٠١٠ داڕێژرا بوو، پێداچوونه‌وه‌كه‌یش زیاتر بۆ به‌ره‌نگاربوونه‌وه‌ى هەڕەشە نوێیەکانە لە بواری بۆشایی ئاسمان و بواری ئەلیکترۆنی.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین